Barin Shehidliri: Uyghurning Mewjutlighi Uning Qehrimanliri Bilendur!

1990 - yili 4 - ayning 5- küni, yene buningdin 19 yil burunqi bügünki künde, Sherqiy Türkitanning Barin yézisida qehriman Barin xelqi, weten musteqqilliqi üçün, tartip élinghan heq huquqlirimizni qayturup élish üçün, qehriman Uygur oghlani, qaytmas mujahid, merhum Zeydin Yusupning bashçilighida muqeddes bir küreshke atlinip, Uyghur xelqining zulumgha qarshi igilmes rohini, teslimsiz qeyserligini Xitay jallatlirigha yene bir qétim namayende qilghan idi. Qanhor Xitay communistliri ularni basturush üchün minglap esker we tik uchar urushchi ayrupilanlarni yötkep, Barin yézisini qangha boyidi. Qehriman shehidlirimiz axirghiche pidakarliq körsütüp jeng üstide mertlerche qurban boldi. Xitay jallatliri bolsa, bigunah anilar we bowaqlarnimu rehimsizlerche qirghin qilip Barin yézisidiki Uyghurlarni tuhumighiche qurutiwetti, kéyin bu yézigha bashqa yerdin ahalilarni köchürüp kélip orunlashturdi. Qozghulang basturulghandin kéyin, qözghulang dawamida we kéyinki tutqun qilish we basturush herketliride 200 din artuq mujahid shéhid boldi. 2000 din artuq adam türmilerge tashlandi!. Qolida tömürning sunughi bolmighan Barin xelqi zamaniwi qorallanghan xitay eskerlirige qarshi eliship, un tunsiz olgendin elsihip olush rohini ejdadlirimizgha qaldurdi we heq adalet yolidiki sunmas simasini tiklidi.

Shundin étibaren bu kün Uyghur tarixida men'gu xatirleshke tegishlik échinishliq we lékin ghurur tuyushqa tégishlik bir kün bolup qaldi.

Bu yil Barin inqilabigha 19 yil tolghan bolup, qehrimanlarni mengu taj qilip qadaydighan Uyghur xelqi, Barin shehidlirige Sherqiy Türkistanda un - tinsiz dua qilmaqta. Weten sirtida bolsa Uyghurlar her xil namayish, nezir chiraq, dua tilawet we xeyri sahawet arqiliq Barin inqilabini xatirlimekte. Anilar bolsa bu künni öz perzentlirining örnek élishi üchün untulghusiz hikayiler qilip sözlimekte.

Shehidlar ketti, emma ularning rohi öz millitini dawamliq yölep keldi, shuning üchünmu Uyghurlar bügünki kündiki éghir Xitay zulmi astidimu öz ghururini qilche yoqatmay keldi. Bir millet öz qehrimanliri bilen mewjuttur. Bügünki künde Uyghurlar öz mewjudlughining ilhami we hem nepesi bolghan Uyghur qehrimanlirigha Barin qehrimanlirini xatirlesh munasiwiti bilen eng yüksek baha béridu, shundaq bir kün kéliduki Uyghurlarning qelbide yillap yad étilgen we soyulgen bu yüksek baha eng aldi bilen ashu qehrimanlirimizning qewrisige shundaqla hayat qehrimanlirimizning meydisige ésilidu!

Merkizimiz, Barin shehidlirige Allahdin eng güzel mertiwiler tilesh bilen birge barliq Uyghur qiz oghlanlirini qehrimanlirimizning qorqmas we yanmas rohidin medetlinishke ularning izini menggu ochurmeslikke chaqiridu. Ey Uyghur yigitliri! Ésingizdin chiqarmangki herbiringiz Xitay üchün bir Zeydun Yusup! Uyghur öz qehrimanliri bilen mewjut! Uyghurlar dunya yüzidin yoqalghan teghdirdimu teslimchilik bilen un - tinsiz yoqimaydu belki éliship yoqaydu! Mana bu Barinliq shehidlarning bizge qaldurghan rohi!.