Xitay Höküméti Özlirige Eng Sadiq dep Qaralghan 50 neper Diniy Erbapni Xitayning Ichki Ölkillirige Ziyaretke Ewetti

4 - ayning 3 - küni Xitay höküméti, 7 - nöwetlik terbiylesh kürsidiki özlirige eng sadiq ghalcha qilip terbiylengen, yeni Xitay höküméti terpidin burmilan'ghan Uyghur xelqini Xitay dölitige qul bolup yashashqa teshwiq qilidighan diniy zatlardin 50 neperni, Xitayning Beijing, Shanhai, Shandong qatarliq rayonlirigha ziyaretke yolgha saldi. Gerche Xitay metbuatliri ularning ziyaret meqsidini üginish we tetqiq qilish dep bayan qilghan bolsimu, Emma bu qétimqi ziyaret 50 neper Xitaygha sadiq zatqa bir qétimliq Xitayning kuchi we tereqqiyatini korsutush , ularning Xitay dolitige bolghan choqunishini chongqurlashturushtin bashqa nerse emes bolup. Aghzida Qur’anni yadlaydighan bu zadlarni Allgha emes Xitay dölitige we uning küchige choqundurush we bu arqiliq Uyghurlarni tizginleshni meqset qilinghan. Chünki bu sadiq ghalchilarning, Uyghur xelqini Islamni burmilash arqiliq qaymuqturushi yillardin béri intayin éghir we ünümlük rol oynap keldi. Uyghur xelqi üchün éytqanda, atalmish diniy zatlar ( az bir qismini hisabqa almighanda) Sherqiy Türkistanda Uyghurlirining béshidiki zalim Xitay hökümétining qolchumaqliridın bashqa nerse emes.