Komputerdin Uchur Oghurlawatqan Kim?

3 - ayning 29 - kuni Kanada metbuatliri, Kanadadiki izchilarning ikki yildin béri 1295 tin artuq komputergha hujum qilip uchur oghurlighan oghurluq torining Xitayda ikenligini tepip chiqqanlighini ashkarilidi. Komputerdin uchur oghurlaydighan bu torning Xitayda ikenligi éniq bolup, ular asaslighi Asia döletlirining elchihanilliridiki komputerlardin hetta NATO ning komputerliridin muhim uchurlarni oghurlilghan. Shundaqla ular ixtisadi we siyasi orunlarning komputerliridin bolupmu musteqil teshkilatlarning komputerliridin uchur oghurlashqa adetlengen bolup, Dalai Lamaning ishxanisidiki komputerghimu hujum qilip uchur oghurlighan. Emma Xitay höküméti bu oghurluq torining arqisida Xitay dölitining barlighini inkar qilghan. Weten sirtidiki Sherqiy Türkistan teshkilatlirining we hetta paaliyetchi shexslerning komputerlirimu dawamliq hujumgha uchrap turidighan bolup, bu Uyghurlar uchun yengiliq emes. Lékin Uyghur teshkilatlirining komputerliridiki bixeterlik nahayiti ajiz bolup, ta hazirghiche bu mesilige sel qarilip Xitayning Uyghurlar heqqidiki eng yéngi uchurlardin paydilinishi we Uyghur weziyitini tehlil qilishigha qolayliq yaritilip kelmekte, buning uchun, Sherqiy Türkistan teshkilatlirining, nöwette uchur bixeterligini kücheytish mesilisi eng mushim mesililerning biri bolup qaldi.