Uchur we Tehlil

1) Taiwan Xitay Munsiwetlrining Yaxshilinishi Amerikini Biaram Qilamdu?

Chen Shui-bian waqtida Taiwan musteqilliq telep qilghanliqtin, Taiwan Xitay munasiwetliri nahayiti jiddileshken we Amerikimu Taiwenni qoghdash wedisige asasen dawamliq Xitayning reqibige aylinip kelgen idi. Emma yéqindin béri Taiwan Xitay munasiwetlirining ronaq tepishi we ularning reqiplerdin dostlargha qarap tereqqi qilishi, Amerikining Yaponiyeni öz ichige alghan Xitaydin qoghdinish sitrategiyésige tesir yetküzemdu qandaq? AP ning mushu ayning 18 – künidiki bir xewiridin melum bolishiche , Amerikining Taiwande turushluq yuquri derijilik diplomati bu soalgha jawap bérip, bu xil muhitning eksinche Amerikini rahetke chiqiridighanlighini éytqan. Uning diyishiche, Amerika héchqachan Taiwanni Xitaygha qarshiliq körsütüshtiki kozur qilip qollanghan emes iken, del shundaq bolghanliqtin Taiwan Xitay munasiwetlrining yahshilinishi Amerikini xoshallanduridiken.

2) Russiye Presidenti Bilen Amerika Presidentining Uchrishishi we Bu Uchrushishning Tarixi Burulush Qimmiti

Xelqara xewerlerge qarighanda Russiye presidenti Dmitry Medwedew bilen Amerika presidenti Barak Obama, Aprilning birinchi küni Londonda korushushni orunlashturghan. Obama bu qétim Russiye bilen qoral yaraq riqabéti élip bérishtek qoqunuchluq we ehmiqane strategiyeni bikar qilish yaki azaytish mesilisini kélishidiken. U Russiye bilen bolghan munasiwetni yahshilap, yawropada Russiyening atom bombisigha qarshi qayturghuch systemni ornitish qurulushini ret qilidighanlighini, emma buning Iranning atom yasihini control qilish arqiliq emelge ashidighanlighini otturigha qoymaqchi iken. Mushu ayning 18 – künidiki Fransiye metbuatlirida Fransiye qoghdinish ministérimu, NATO ni kéngeytishte Russiyening meslehétini almay bolmaydighanlihgini éytqan idi. Buningdin qarighanda Amerika we yawropadin ibaret gherip elliri, Russiye bilen tarihi burulush qimmitige ige dostluq ornutushni nishan qiliwatqan bolup, eger Amerika Russiye we Yawropa Russiye munasiwetliri dostluq we hemkarliqni asas qilghinida Russiyaning Xitaygha hajiti chüshmigen bolatti. Xitay we Russiye munasiwetlrining yiriklishishi her zaman Sherqiy Türkistan mesiliside nahayiti muhim rol oynaydighan bolup, nöwette Uyghurlar bu munasiwetlerge yéqindin diqqet qilmaqta.

3) Qorghas Chégrisida Xitaydin Kelgen 10 tonna Mandarin Tohtutup Qoyuldi

Kazakstan gezitining xewer qilishiche, 3 - ayning 18 – küni Xitaydin Kazakstangha kirguzulgen 10 tonna mandarin chégrida tutiwélinghan bolup, tutiwélinghan bu miwe köz bilen korgili bolmaydighan qurut qurutlap ketken bolup, bu qurutlar ösümlüklerning yapraqlirini yep qurutiwétidiken, eger tekshürülmey qélip Kazakstangha kétip qélinghan bolsa qazakstanning déhqanchiliq meydanlirigha yamrap nurghun ziyan salghan bolushi mumkin iken. Kazak chégra mudapie tekshürgüchilliri, bu 10 tonna miweni Xitaygha qayturiwétidighanlighini we miweni élip kelgüchidin jerimane alidighanlighini éytqan. Xitay dawamliq yuqumluq késel tarqitidighan zeherlik mallarni bashqa döletke chiqirip satqanliqtin, Kazakstan mal kirgüzüshte nahayiti éhtiyatchan bolup ketken we chégridiki tekshürüshni kücheytken.