Xitay Saqchi Dairilliri Ixitisadi Kirizis Bahanisi Bilen Uyghurlarni Tutqun Qilmaqta

Ürümchi kechlik gezitining xewerliridin melum bolishiche, bu yil 3 - ayning 6 - küni atalmish aptonom rayonluq saqchi nazariti Ürümchide üch xil küchlerge qattiq zerbe bérish yighini chaqirghan we dunyawi ixtisadi kirizis yuz bériwatqan mushundaq peytte ixtisadning chüshishi we kishilerning turmushining qattiqlishishigha egiship naraziliq herketliri kopiyidu dep körsetken. Bu naraziliq herketliri digende Xitay höküméti üch xil küch dep atiwalghan qandaqtu terorismliq, bolgunchilik we dinni telwilik digendin ibaret yillardin béri Uyghurlargha kiydurup, Uyghurlarni basturushning wastisi qiliwalghan qalpaqlarni kozde tutqan. Chünki Xitay höküméti Uyghurlarning hemmisining digudek namratliq we ishsizliq ichide yashaydighanlighini, ixtisadi kirizisning eng qattiq tesirige uchraydighanlarmu Uyghurlar bolidighanlighini biletti. Emma ular, acharchiliq destidin hökümetke naraziliq qilghuchilarni basturushqa teyyarlinip, mesilining tügini bolghan namratliqqa köngül bolushni, Uyghurlarni acharchilqitin qutuldurushni esla xalimighan. Xitay höküméti uzun zamanlardin béri her xil bahanilar bilen bir dem térorizimgha qarshi dunyawi urushni bahane qilsa, birdem Olympic bixeterligini bahane qilip Uyghurlarni basturup kelgen idi. Ular üchün her yili bir yengi bahane chiqip turatti. Emme ularning bu yilqi bahanisi bekla chektin éship ketkenlik bolup u bolsimu iqtisadi kirizis bahanisi idi. Xitay saqchi dairilliri xelq qattiq yoqsuzluq ichide qalghanda din arqiliq teselli tepishqa urinidu dep perez qilghan we dinni étiqadi kücheygenla kishilerni guman bilen qolgha alghan. Tengritagh torining xewer qilishiche bu yil 1- aydin bashlap, Lopnur nahiyiside bashqilargha diniy telim terbiye bergen 20 din artuq Uyghurni tutqun qilip türmige tashlighan. Ular yene ixtisadi kirzis mezgilide Uyghurlarning naraziliq herketliri ewj élishidin endishe qilip, kirizis mezgilide üch xil küchler herketke otidu, choqum merkizi hökümettin ajratqan maliyeni üch xil küchlerni basturushqa ishlitip, qattiq basturush kérek dep körsetken.  
.