ETIC Xelq'araliq Ayallar Künini Qutluqlaydu

Xelqaraliq ayallar küni chongqur tarixi ehmiyetlik arqa korunushke ige ulugh bir kün bolup, ayllarning qimmiti we heq hoquqlirini xatirileshte muhim ehmiyetke ige. 1917- yili Grogian kalendari boyiche 3 - ayning 8 - küni, Rus ayalliri birinchi dunya urushida ölgen 2 miyondin artuq Rus eskerlirige qarita kochigha chiqip ténchliq telep qilip urushqa qarshi “ bolka we ténchliq” wiwiskisini kötürüp namayish qilghan idi. Shundin étibaren ayallarning dunya ténchlighi we zorawanliq qirghinchiliqqa qarshi zor kölemlik kötürülüsh yasighan bu kün xelq'arada ayallar küni qilip békitildi we bu kün ayallarning zulumgha qarshi gheyret shijaitini, jemiyetke béghishlighan tohpisini, bir qolida boshükni bir qolida dunyani tewriteleydighan ghayet zor rolini tebrikleydighan kun bolup qaldi.

Bu künning heqqi menisini xatirleshke muyesser bollamaywatqan Sherqiy Türkistandiki bügünki Uyghur ayallirimu Sherqiy Türkistan tarixida intayin muhim rol oynap keldi. Ular ailining ixtisadi yükini er bilen birlikte mürisige élipla qalmay belki bashqa barliq anilargha oxsash aile we perzentning achquchluq yétildürgüchilliri we terbiyligüchisi idi. Bolupmu, Xitay hökümeti Sherqiy Türkistanni ishghal qilghandin béri, Uyghur ayallirining Sherqiy Türkistan azatliq we erkinligi üchün qilghan küreshliri tillarda dastan bolup qaldi, nurghunlighan wetenperwer ezimetlerni tughup we yétishturup Uyghur erkinlik küreshlirining esrilerdin béri toxtimay dawam qilishi zulumgha qarshi awazning toxtimay yangrishi üchün hesse qoshti. Biz sanini bilidighan we bilmeydighan Iparhandek öz ghururini milletning shan sheripi bilgen ayal qehrimanlirimiz tarixta nurghun. Xitayning zulmigha qarshi jeng élan qilip téxi ötken yilila pajielik öltürülgen 23 yashliq Anargüldek batur qizlirimiz we Dilbirimdek rehimsizlerche öltürülgen Uyghur dewasidiki siyasi pa'aliyetchillirimiz, Uyghur ayallrining shanliq ülgülliridur. Xitay hökümétige qarshi ochuq pikirligi bilen turmide yétip nurghun bedellerni töleshke mejbur bolghan we dawamliq tölewatqan hazirqi siyasi leaderimiz Rabiye Kadeer mu Uyghur ayallirining heyran qalarliq we jelp qilarliq gheyrtini körsitip turmaqta.

2008 - yili 3 - ayning 23 - küni Hoten shehiridiki yüzligen ayallar Xitayning heqsizlikige qarshi topliship namayish qildi we ularning nurghunliri hazirghiche Xitay turmiside qiyin - qistaqqa élinmaqta. Sherqiy Türkistan informasyon merkizi, xelqaraliq ayllar künini bu munasiwet bilen tebriklesh bilen birge Uyghur erkinligi uchun kuresh qiliwatqan we zulum chekiwatqan barliq qehriman Uyghur ayallirigha Shundaqla Uyghurlarning meniwi anisi Rebiya Kadeergha sherep sunidu we eng ali salam yollaydu. Shuning bilen birge Xitay zulmi astida yoqap kétishke yüzliniwatqan kimlgimizni qutuldurup qélish üchün, Uyghur ayallirining Uyghurlar yüzliniwatqan bu kirizistiki ghayet zor roli we qimmitini, pütün küchi bilen dawamliq jari qildurishini umid qilidu.  
.