Uchur we Tehlil

1) Sherqiy Türkistandiki Yer Baylighini Échish Beijing Hökümétining Biwaste Bashqurishida

ETIC'ning bivaste igellishiche, atalmish Xinjiang aptonom rayonluq communist partiye secretary Wanglequan, mushu ayning 18 – küni Ürümchide échilghan yer bayliqlrini bashqurush yighinida buyruq chüshürüp, Sherqiy Türkistandiki yer bayliqlarning yerlikke emes belki Xitay hökümétige bivaste qaraydighanlighini, shunga bu yer bayliqlirini echishqa peqet ichkiridin hökümet evetken alahide chong shirketlerla hoquqluq ikenligini, yer bayliqlirining Xitayning bashqa ölkilliridiki yer bayliqlirigha oxshash shu ölke teripidin xalighan shirketning échishigha berilmeydighanlighini tekitligen. Buningdin shuni körüvélishqa bolidu, Sherqiy Türkistan öz bayliqigha héch qachan ige bolup baqqan emes, Wanglequanning sözliri bu pakitni téximu bir qedem ilgirligen halda ispatlighan bolup, Sherqiy Türkistan öz bayliqlirini qandaq ishlitish ve qandaq échish hoquqigha ige emes, gerche Xitay höküméti Xinjiang Zhonguning ayrilmas bir qismi dep toxtimay tovlisimu, emiliyette Xitayning bashqa ölkillirige bérilgen hoquqning héchbiri bu rayongha berilmigen, Xitay höküméti Sherqiy Türkistanni peqet Xitay ölkillirini qamdaydighan bir bayliq bazisi süpitidila talan - taraj qilish arqiliq, bu rayonning mengu özlirining bir parchisi bolalmaydighanlighini ispatlap qoydi.

2) Ili Derya Wadisida Keng - kölemde Yer Baylighi Talan - taraj Qilinmaqchi

Ili xeverliri gézitining xever qilishiche, Xitay höküméti Ili derya vadisidiki yer baylighini échish üchün nahayiti chong qurulush élip bérivatqan bolup, bu qurulushning omumi meydani 4 milyon 700 ming mo din ashidiken, sélin'ghan meblegh bolsa jemi 59 milyar Yuange yetken. Buning ichide jemi 3 milyon 260 ming mo yerni térilghu yer qilip échish planlanghan. Hazirghiche bir ikki orunda chong tiptiki kömürlük, yene üch orunda mineral bayliqlar tépilghan. Atalmish “ gherpning kömürini sherqqe yötkesh” shoari astida ötken yili pütün Sherqiy Türkistandin Xitayning ichkiri ölkillirige toshulghan kömürning özila 400 milyart tonnigha yetken.

3) Xitay Ayalliri Qosh Gezek Tughush Dorisi Istimal Qilmaqta

Xitay ölkilliride yeqinda qosh gezek ve uch gezek tughidighanlar nahayiti kopiyip ketken bolup, buning sevebi nurghun Xitay ayalliri bir bala élish siyasitige qarshi bir qétimdila koprek tughuvélip hökümetni amalsiz qaldurush üchün, tuxumdanda bir din köp tuxum ishlepchiqiridighan kopiyish dorisi istimal qilghan. AFP ning xever qilishiche peqet Nanjing shehiridila qoshgezek tuqqanlarning sani 90 ge yetken.

Emma dora arqiliq aylallrning bedinide tuxumdan ishlepchiqiridighan hormonni köpeytish netijiside, qosh gezek tughulush nisbiti ashurulghanliqtin, tughulaghan balilarning köpinchisi meyip tughulghan. 
.