|
ETIC bayanati :
< 5 – Fewral Ghulja Inqilabi > ning 12 – Yillliqini Xatirileymiz !
< 5 – fewral Ghulja inqilabi > ning 12 – yilliqi munasiwiti bilen, bu
inqilapqa merdanilarche ishtirak qilghan barliq qehriman oghul –
qizlirimizgha bolghan ali hörmitimizni izhar qilimiz.
Shundaqla bu heriket sewebidin Kommunist Xitay hakimiyiti teripidin
wehshilerche shehid qilinghan Abduhélil Abdumijit bashchiliqidiki barliq
milliy küreshchilirimizge bolghan qayghumizni we cheksiz seghinishimizni
qayta izhar qilimiz !
1997 – yili yüzbergen < 5 – fewral Ghulja inqilabi >, Sherqiy Türkisatan
xelqining kommunist Xitay hakimiyitining milliy zulmigha, milliy
kemsitishige, diniy besimigha, besim we qirghinchiliq siyasitige, shundaqla
siyasi we iqtisadi jehetlerdiki adaletsizlikige qarshi körsetken ortaq
inkasi we milliy herikiti idi.
Bu hadisidin buyan her yili < 5 – fewral > künining Uyghurlar teripidin
intayin mohim we ehmiyetlik kün teriqiside hatirilinip kéliniwatqanliqimu, <
5 – fewral ghulja herikiti > ning Uygurlarning milliy rohining we zulumgha
esla tiz pükmeydighan qeyser hem küreshchan iradisining simowuligha we
Sherqiy Türkistan omomiy milliy herikitining mesh’ilige aylanghanliqini éniq
sherhilep turmaqta.
Xitayning zuwani hisaplanghan < Xinhua ahbarat tori > teripidin Ghulja
weqesi munasiwiti bilen elan qilghan, < Sherqiy Türkistanchi unsurlarning
teroristik niqawini échip tashlayli > serlewhélik bash maqalisida, < 5 –
fewral weeqesi > ning ishtirakchiliri qarilanghan töwendiki ibariler yer
alghan idi:
< topilangchi unsurlar, < Xitaylarni qoghlap chiqirayli ! >, < tutup
kétilgenler qoyup bérilsun ! > digendek shoarlarni towlap, hökümitimiz
teripidin ulargha tarqitip bérilgen salahiyet guwanamisi, nopos deptiri,
shopurluq kénishkisi ... qatarliqlarni bir – birlep köydürüshke bashlidi,
eng radikal ipadisi shuki, xéli köpliri yürüp kétiwétip < Xitaylarning
kiyimini keymeymiz > dep waqiriship üstidiki kiyim – kecheklirini sélip
tashlashqa bashlidi, bu, 2 – ayning 5 – küni bolup, chaghangha ikki kün,
rozi héytqa bolsa besh kün qalghan qehritan soghuq küni idi, beziliri hetta
pütün kiyimlirini sélip tashlap qip yalingach halda algha qarap yürüshke
bashlidi ... >.
Yuqarqilar bolsa kommunist Xitay hakimiyitining < 5 – fewral weqesi > ni
peyda qilghan atalmish < Sherqiy Türkistan terorchiliri > heqqide toplighan
< délil – ispatliri > din ibaret, halas.
Emiliyette bolsa bular, , Uyghur xelqining Xitayning hakimiyiti astida
yashashni we milliy mewjutluqlirini yoqutup qoyushni halimaydighanliqining
ispatidin bashqa nerse emes idi, ularning qehritang soghuqta kiyim –
kecheklirini sélip tashlighanliqi, Xitay hökümitining bayanlirinida yer
alghinidek qandaqtur < radikalliqning ipadisi > emes, belki Uyghur xelqining
milliy iradisining küchlük hem qet’ilikining ipadisidin bashqa nerse emes
idi.
Xitay hakimiyitining höjjet – matiriyallirida, < 97 – yilidiki 5 – fewral
Ghulja weqesi, teroristik we zorawanliq heriketlirining eng yuquri
nuhtisidin ibaret > dep körsütülgen bolup, Xitay hakimiyitining dölet teror
siyasitining qurbani hisaplanghan bichare Ghulja xelqining beshigha qilche
ar – nomus qilinmastin, < terorist > digen qalpaq keydürülgen idi. elwettiki,
Xitay hakimiyitining buhil töhmetliri, Sherqiy Türkistan xelqiningla emes,
belki dunya jamaetchilikiningmu < 5 – fewral > Ghulja herikitining harektiri
heqqidiki tüp qarashlirigha tesir körsüteligini yoq, xelqara kechürüm
teshkilatining < 5 – fewral Ghulja weqesi > munasiwiti bilen Xitayning
zorawan qilmishlirini eyiplep her yili digüdek mehsus doklatlarni elan qilip
kéliwatqanliqimu, kommunist Xitay hakimiyitining Ghulja weqesining
harektirini burmilashta xelqara sehnilerde héchbir muwapiqiyetke
érishelmigenlikini ochuqche körsütüp turmaqta.
Dimek bu weqe dunya jamaetchilikining neziride, kommunist Xitay
hakimiyitining Sherqiy Türkistan xelqighe qaratqan qirghinchiliq we türlük
zulum siyasetlirining janliq ispatigha aylandi, weqe yüz bergendin buyan,
xelqara kechürüm teshkilati we türlük xelqaraliq insan heqliri teshkilatliri
we hetta bezi gherip döletliri teripidin elan qilinghan doklat we
ahbaratlarda, Ghulja weqesi munasiwiti bilen minglarche bigunah Uyghurning
tutqun qilinghanliqi, yüzlerche Uyghurning ölümge höküm qilinip étip
öltürülgenliki, köpligen Uyghurlarning türmilerde insan qélipidin chiqqan
wehshi usollar bilen qattiq qiyin – qistaqlargha élinghanliqi heqqidiki
délil – ispatlarning izchil türde yer élip kelgenliki we bularning Xitay
hakimiyitining Uyghurlargha qaritiwatqan omomiy siyasitining ichki yüzi
teriqiside ipade qilinip kéliniwatqanliqi, < 5 – fewral > Ghulja weqesining
tarixiy ehmiyitini ochuqche sherhilep turmaqta.
Qisqisi, Ghulja xelqining qéni bikargha aqqini yoq, Ghulja xelqi özining
issiq qéni arqiliq pütün Sherqiy Türkistan xelqining yürek sadasini dunya
jamaetlichikige küchlük shekilde tuyghuzupla qalmastin, belki Uyghurlarning
chetellerde élip bériliwatqan milliy herikitining küchüyishi we zoriyishi
üchünmu biwaste mohim rol oynighan idi.
Uyghur xelqi özlirining bu küreshchan oghlanlirini ebediyen söygü we hörmet
ichide yad étidu !
Abdujélil Qaraqash
< Sherqiy Türkistan informatsiyon merkizi > ning reyisi
2009 – yili 2 – ayning 4 - küni
.
|
