5 - féwral Ghulja Qirghinchiliqni Eyiblesh Yüzisidin, Shiwétsiyede Xitaygha Qarshi Daghdughiliq Namayish Ötküzüldi

Abduréshid Haji Kérimi xewiri
2008-yil 02 –ayning 01- küni

Bügün Ghulja qirghinchiliqinng 12 yilliqini ghezep bilen eyiblesh yüzisidin Shiwétsiede yashawatqan Uyghurlar, Shwétsiye Uyghur Komitétining orunlashturushi bilen, Shwétsiyining paytexti Stokholm shehridiki Xitay elchixanisining aldida daghdughiliq namayish ilip bardi, Namayishqa Shiwétsiyede yashawatqan uyghurlar qollirigha Sherqiy Türkistanning hawareng ayyultuzluq bayrighini kötürüp shoarlar towlap, Xitay kommunist hakimiyitining 1997-yili 2- ayning 5- küni ghulja yürgüzgen qanliq qirghinchiliqini ghezep bilen eyiblidi .

Namayishchilar : " Xitaylar Sherqiy Türkistandin chiqip ketsun! Sherqiy türkistan biz Uyghurlaning ana wetini! Xitaylarning bizge qiliwatqan qanliq basturushliri toxtitilsun! Bizge erkinlik kérek ! Bizge démokratiye kérek ! Bizge kishilik hoquqi kérek ! Xitay chong dölet térrorizmi dunya tinchliqning eng chong düshmini! Xujintaw qatil! Wang lé chuen qatil! Bizge musteqilliq kérek ! Biz musteqil sherqiy türkistan dölitimizni eslige keltürüsh üchün adaqqiche küresh qilimiz!"- dep shoarlar towlidi hemde namayishchilarning qollirida yuqiriqigha oxshash mezmundiki plakat we lozunkilar asmanda üzülmey lepildidi.

Namayishchilar uyghur tilida, Xitay tilida, en'géliz tilida , shiwét tilida we fransuz tillirida shoarlar towlap Xitay elchixanisining aldini heywet lerzige saldi.

Uyghur yigiti SERDAR aldin teyyarlighan Sherqiy Türkistanning hawa reng kök bayriqini égiz kötürüp Xitay elchixanisining aldidiki 20 métir égizliktiki Qarighay derixining üstige yamiship chiqip bayraqni asmaqchi bolghanda namayishchilarni qoghdawatqan shiwiét saqchiliri serdarning keynidin derexke yamiship SERDAR ni chüshürüwétishke ündigen bolsimu SERDAR dawamliq qarighay derixige téximu égiz yamiship chiqip bayraqni égiz kötürüp pulanglitip qattiq awazi bilen Xitay elchixanisi ichige qaritip shoarlar towlap bayraqni uzundin uzun lepildetti, töwendiki namayishchilar qoshuni SERDARning awazidin ilham ilip téximu janliq shoarlar towlap, SERDARgha medet birip, Xitay elchixana xadimlirini taza sarasimgha saldi.

SERDAR bayraqni qarighay shéxigha mehkem baghlap özi qaytip chüshti. Shiwét saqchiliri ehwalni yuqirigha melum qilip uqturush tapshurup alghandin kéyin, saqchilar bilen namayishchilar arisida keskin - qattiq besmunaziriler élip bérildi .

Shiwétsiyede yashawatqan namayishchilarning pikrige asasen serdar bayraqni derextin yandurup chüshüp namayishchilar topigha qétilip namayishni dawamliq dawamlashturdi.

Bügünki bu namayish qattiq soghuq sharait astida ilip bérilghan bolsimu namayishchilarning keypiyati nahayiti yuqiri boldi. Bügünki namayishqa shwétsiyige yéngidin kelgen qiz – oghullarmu qatnashti, namayish saet 1.00de bashlinip saet 3,00 de axirlashti. 
.