|
Merkel Xanim, Xitayning Dalay Lalam Bilen Dawamliq Söhbet Élip Bérishi
Lazimliqini Tekitlidi
Xitayning bash ministiri Wen jia bao, 1 – ayning 29 – küni Germaniyeni
ziyaret qilip, Germaniyening bash ministiri merke xanim bilen söhbet élip
barghan idi.
< Germaniye dolqunliri > radiosining xewiride körsütülishiche, Merkel xanim
bu qétimqi söhbet jeryanida, Xitay rehberlirini Dalaylamaning wekilliri
bilen élip bériwatqan söhbetlirini üzüp qoymay dawam qildurushqa we tibet
mesilisini söhbet we diyalog yoli bilen hel qilishqa chaqirghan.
Merkel xanim yene, eger Xitay terep qoshulsa, Germaniye hökümitining ikki
terep otturisida yarashturghuchiliq rolini üstige élishni xalaydighanliqini
bildürgen.
2007 – yili Merkel xanim Berlinda Dalaylamani qobul qilip körüshkendin kéyin,
bununggha qattiq narazi bolghan Xitay terep Germaniye hökümiti bilen bolghan
yuquri derijilik bashliqlar uchrushishini we ikki terep otturisidiki
kishilik hoqoq we qanun söhbitini tonglutup qoyghan idi.
Wen jia baoning bu qétimqi ziyarizi ikki terep otturisidiki munasiwetlerni
yumshutushni meqset qilidu.
Wen jia bao Berlindiki bash ministir mehkimiside merkel xanim bilen söhbet
élip bériwatqan mezgilde, binaning aldigha toplanghan Tibetlikler,
Falungungchilar we Tibetni himaye qilghuchi teshkilatlarning ezaliridin
bolup 50 tin artuq kishi Wen jia baoning ziyaritige qarshi naraziliq
namayishi ötküzdi.
.
|
