Nurbekrining Üchxil Küchlerge Zerbe Bérishni Qaytidin Kötürüp Chiqish Kérek Digenligini Qandaq Chüshinish Kérek

Ürümchi kechlik gézitining mushu ayning 8 - künidiki xewiride bildürishiche, atalmish Xinjiang aptonom rayonining muawin reisi Nurbekri aptonom rayonning 11- nöwetlik 2- qétimliq xelq qurultiyida , “ üch xil küchler” ge zerbe bérishni qaytidin kötürüp chiqishni tekitligen. Nurbekrining qaytidin kötürüp chiqish digini nimidin dérek béridu? Nime üchün üch xil küchlerge zerbe bérishni alahide tekitleydu? Merkizimiz weten ichidin chegra doletlerge kélip kétip turiwatqan bezi oqumushluq ziyalirimizni bu heqte ziyaret qildi.
Emiliyette Sherqiy Türkistanda üch xil küchlerge zerbe bérish shoari bilen élip bériliwatqan uyghurlarni tutqun qilish , turmige tashlash qiyin qistaqqa élish we olumge hokum qilish bir kunmu tohtap qalghini yoq, shundaq turuqluq Nurbekrining qaytidin kötürüp chiqish sözini qollinishi zadi nime üchün?
Ismini ashkarilashni halimighan bir Uyghur ziyalisi muxbérimizning yuquridiki soaligha jawap bérip mundaq deydu:
“Xitay höküméti ezeldin Uyghurlarni türlük bahanilar bilen basturup keldi. Yurguzgen qirghinchiliqlirigha haman birer sewep körsütüsh arqiliq qangha boyalghan qollirini dunya jamaétige pakiz körsitishke tiriship keldi. Texi ötken yilila Olympic bixeterligi bahanisi bilen 1300 Uyghurni qolgha alghanlighini étirap qildi( gerche bu san emiliyettin tolimu yiraq bolsimu). Olympic otup ketti. gerche Xitay dunya jamaitige Uyghurlarni Olympic bixeterligi yüzisidin tutqun qilduq dep köz boyamchiliq qilghan bolsimu , emma Nur bekrining aghzi bilen Uyghurlarni tutqun qilishning Olympic bixeterligi sewebidinla emesligini, gerche Olympic otup ketken bolsimu, héchqandaq bahane tapalmighan teghdirdimu üzlüksiz dawamlishidghanlighini , Sherqiy Türkistanning heqiqi iglliri bolghan Uyghurlar bilen Xitay otturisidiki ziddiyetning men'gu tügmeydighanlighini yene bir qétim ispatlidi. Nurbekrining “ qayta kötürüp chiqish” sözini qollinishi emiliyette üch xil küchlerge zerbe bérish shoari astidiki basturush we qarshiliqning mengu hel bolmaydighan , untulup qélish mumkin bolmaydighan ziddiyet we men'gu toxtimaydighan küresh ikenligini yene bir qétim esletti. Meyli Nurbekri Xitay hökümétige sadiqlighini bildürüsh üchün basturmichiliq herkitini toxtatmay élip bérishni öz millitidin bolghan Uyghur qérindashlirini toxtimay qirghin qilishni tekitlisun yaki Xitay höküméti Nurbekrining aghzi arqiliq bésim astidiki Uyghur xelqining yürigini téximu mujushni meqset qilghan bolsun, bu bir tereptin XItay hökümétining Xitay höküméti atalmish üch xil küchler dep atiwalghan Uyghur erkinlik kureshchilliridin nahayiti qattiq endishe qilidighanlighini chushidimu ulardin chochup xatirjem bolalmaywatqanlighini bildurse yene bir tereptin öz endishillirini dunya jamaétige riayalliq qilip körsütüp bu arqiliq Uyghurlarni tüp yiltizidin qirghin qiliwétish siyasitini qollashqa érishtürüshni meqsed qiliwatqanlighini bildüridu”
Xuddi yuqarqi Uyghur ziyalisining tehlilidek, Xitay hichqandaq qarshiliq yüz bermigen ehwal astidimu Uyghurlarni tutqun qilishni üzlüksiz dawamlashturmaqchi, gunahsiz Uyghurlani guman bilen qattiq basturush yene keskin dawam qilishi mumkin. Merkizimiz, dunya jamaetchiligining, Uyghurlarda yüz bérish mumkinchiligi bolghan qarshiliq herketlrining sewebsiz emesligini buni del Xitay hökümétining mana mushundaq yolsiz basturushliri keltürüp chiqiriwatqanlighini neziridin qachurmaslighini telep qilidu.