Xitayning Istatiskisida Uyghurlarning Noposi 10 Milyongha Yéqinlashti

Yéqinda < Aptonom Rayonluq Istatiska Idarisi >, Sherqiy Türkistanning nopos ehwali heqqidiki axirqi tekshürüsh netijisini élan qildi.

Adette Xitay hökümiti her 10 yilda bir qétim omomiy nopos tekshürishi élip baridu we bu qetim elan qilinghan sanliq melumatlar, 2007 – yilining axiri bekitilgen eng yengi sanliq melumatlardin ibaret.

Bu girafikta körsütülishiche, hazir Sherqiy türkistanning omomiy noposi 20 milyon 951 ming 900 neper bolup, bunung ichide Uyghurlarning sani 9 milyon 650 ming 600 neper we omomiy noposning 46.06 pirsentini teshkil qilidu.

Xitaylarning sani 8 milyon 239 ming 300 neper bolup, omomiy noposning 39.33 pirsentini, Qazaqlar 1 milyon 483 ming 900 neper bolup, 7.08 pirsentini, Tungganlar 943 ming neper bolup, 4.50 pirsentini teshkil qilidu.

Gerche Xitay hakimiyiti hazir Sherqiy Türkistanda 13 milletning yashawatqanliqini we mumkin bar Uyghurlarning siyasi, iqtisadi we ijtimayi ornini töwenlitishke urunup kelgen bolsimu, emma yuqarqi 4 millettin bashlilirining héch birining noposi omomiy noposning bir pirsentigimu yétip barmaydu.

Mesilen, Qirqizlar 0.87 pirsentni, Mongghullar 0.85 pirsentni, Tajiklar 0.21 pirsentni, Shiweler 0.20 pirsentni, Manjular 0.12 pirsentni, Özbekler 0.08 piesentni, Ruslar 0.06 pirsentni, Daghurlar 0.03 pirsentni teshkil qilidu.

Yuqarqidin bashqa milletlerning igelligen omomiy nisbitimu aran 0.59 pirsenttin ibaret.