Sherqiy Türkistanda 23 ming 900 Jami bar, Emma Uyghurlarning Köpünchisining Kirishi Cheklengen

< Aptonom rayonluq xelq hökümiti ishxanisi > bilen, < Aptonom rayonluq istatiska idarisi > teripidin tüzüp chiqilip tarqitilghan, < Shin jiangning 2008 – yili > digen kitapchida körsütülishiche, nöwette Sherqiy Türkistan boyiche 24 mingdin artuq < diniy paaliyet soruni > bar bolup, bunung ichide 23 ming 900 Jami bar iken, qalghanliri bolsa cherkaw we butxanilar iken.

Yuqarqi diniy paaliyet sorunlirida resmiy ishlewatqan xizmechi xadimlarning sani 29 ming neper, her derijilik siyasi kengeshlerde wezipe ötewatqan diniy zatlarning sani 1800 neperdin köpirek iken.

Bügün Xitayning resmi sanliq melumatlirida Uyghurlarning omomiy noposi 9 milyon 650 ming 600 neper dep körsütülgen bolsimu, emma heqiyqi sani texminen 18 – 20 milyon etrapida, Sherqiy Türkistanda mewjut jamilerning mutleq köp qismi 50 – 60 kishilik jamiler bolghini üchün, Uyghur mosulmanlirining ehtiyajini qamdashtin tolimu yiraq.

Yene kélip bu jamilerning hemmisining derwazisigha hökümetning cheklesh uxturushi chaplanghan bolup, Germaniyediki < Sherqiy Türkistan informatsiyon merkizi > teripidin qolgha chüshürülgen bu uxturushta,töwendiki 5 xil kishilerning mesjidke kirishige we diniy paaliyet bilen shughullunishigha yol qoyulmaydighanliqi bayan qilinghan :

Birinchisi, partiye – ittipaq ezaliri;
Ikkinchisi, dölet ishchi – xizmetchiliri we dem élishqa, pensiyege chiqqanlar;
Üchünchisi, 18 yashqa toshmighan yash ösmürler;
Tötünchisi, kenit kadirliri;
Beshinchisi, ayallar;

Yuqarqi uxturushta cheklengen kishilerning sani pütün Uyghurlarning omomiy sanining mutleq köp qismini teshkil qilidu.
Dimek, bu uxturushni mujessemlisek, < Uyghurlar diniy pa'aliyet bilen shughullansa bolmaydu > digen xulase chiqidu.
http://www.tianshannet.com.cn/special/content/2008-08/12/content_2816853.html