Uchur We Tehlil

1) Xitay Hökümiti Xelqining Qozghulup Kétishidin Ensirimekte

Xelqara metbuatlarning bildürishiche dunya ixtisadining chüshishi Xitay ixtisadigha tézlikte tesir körsetken. Xitay ixtisadshunasliri 2008 – yilning birinchi peslide Xitay ixtisadining 8% chüshidighanlighi 2 - peslide bolsa 9% chüshidighanlighini mölcherlimekte. Xitay hökümiti ixtisadning bundaq téz chüshishining Xitayda ishsizliqni köpeytip jemiyet qalaymiqanchilighi keltürüp chiqirishidin, öz hakimiyitining tewrep qélishidin qattiq ensirimekte. Chünki mushu hepte ichidila bezi oyunchuq zawutlirida 500 din artuq ishchi kochigha chiqip namayish qilip saqchi mashinillirini ot qoyup köydüriwetken. Xitay hökümiti ixtisadi kirizistin kélip chiqidighan naraziliq we topilangning aldini élish üchün merkizi Xitay bankisining ösümini 6.6% tin 5.5% ge chüshürgen. Shundaqtimu Xitay ixtisadi kirizisi keltürüp chiqiridighan apetler tüpeylidin Xitay xelqining omumi yüzlük qozghilip kétishining aldini élish qiyin bolishi mumkin.

2) Dunya Léderliri Ichide Dalay Lamaning Hörmiti Aldinqi Qatarda Turidu

“International herald tribune” élan qilghan eng yéngi xewerge qarighanda, her ikki ayda bir qétim élip bérilidighan « dunya léderliri »ning rayini sinash nétijisige qarighanda, Dalai lama eng hörmetke sazawer léder bolup sanilip birinchi orunda turghan. Germaniyening bash ministiri Angela Merkel dunyada eng yahshi xizmet körsetken léderdin sanalghan. Papa Benedict XVI we Friansiye presidentimu aldinqi qatargha kirgen. Bu qétimqi Rayini sinash Yawropa we Amerika bolup jemi 6 dölette birla waqtta élip berilghan. Bularning ichide yene Birleshken Döletler Teshkilatining bash katipi Ban Ki Moon'din tartip Süriyening presidenty Bashar Al - Assad qiche bolghan 19 leadergha baha qoyush telep qilinghan.

3) NATO Tömuryol Arqiliq Ottura Asiyadin Afghanistangha Tutishish Üchün Jiddi Teyyarliq Qilmaqta

Ottura Asiya xewerliridin melum bolishiche, Amerika herbi emeldarliri Ottura Kafkaz we Ottura Asiyadin Afghanistangha biwaste tutushidighan tömür yol yasash hoquqini qolgha keltürüshke dawamliq tirishiwatqn bolup, Kazakstan we Russiyening ruhxset qilishi bilen bu tömur yol qurulushigha qoshulghan. Bu Russiyening birinchi qétim NATO'ning herbi materiallarni quruqluq arqiliq yötkeshke qoshulishi bolup hisaplinidu. Hazir NATO'ning bayanatchisi Kazakstan, Özbekistan we Azerbaijanlar bilen Afhghanistangha tomur yolni tutashturush üchün kélishim tüzeshke jiddi teyyarliq qilmaqta.

Xewerlerge qarighanda Ottura asiaya döletlirining bu kélishimge imza qoyushi 100% muqimlishan bolup, ularning qarishiche bu tomur yol qurulushi Ottura Asiya we Afhghanistan ixtisadining güllünishidimu nahayiti muhim rol oynaydiken.