Xitay Hökümitining Mexpiy Höjjiti Yoqulup, Hujintao'ni Sarasémgha Salghan, Xitay Birliksep Ministirliqi Tibet Idarisining Bashliqi Xizmitidin Qaldurulghan

( Resimdiki ongdin 3 - ayal Xua Xua )

AbduréshidHaji Kérimi xewer qilidu
2008-yil 11- ayning 21-küni

Bügün Hongkung " Mingbao " gézitining bergen bir xewiride mundaq déyilidu.

Xitay merkizi birliksep ministirliqining Tibet idarisining ayal bashliqi Xua Xua, Xitay merkizi birliksep ministirliqining Tibetke ait mexpiy höjjitini yoqutup qoyghanliqi üchün xizmitidin qaldurup, partiye ichide qaldurup tekshürüsh jazasi birilidighanliqi élan qilin'ghan. Emma, Tibet idarisigha mes'ul bu ayal bashliq bu xataliqini öz üstige élishni ret qilghan.

Bei jing'diki bezi Xitay uzun qulaqlirining bildürishiche, Xitay merkizi hökümitige qarashliq birlik sep ministirliqqa qarashliq Tibet idarisi, Xitayning ichki qismida " 7 - idare " depmu atilidiken. Bu idare Xitay merkizi hökümitining Tibetke ait nahayiti köp miqdardiki siyaset xaraktéridiki mexpiy höjjetler we Xitay merkizi hökümiti bilen Tibetning weten ichi sirtigha alaqidar muhim höjjetler iken. Bu mexpiy höjjetlerning yoqalghanliq xewirini anglighan Xitay dölet reisi Hujintao'ni we Xitay merkizi hökümitidiki yuqiri qatlam emeldarliri taza sarasimgha chüshken. Shu sewebtin Hujintao buyruq chüshürüp bu idarigha mes'ul bolghan Xuaxua'ni xizmitidin qaldurushqa we uning partiyiwilikini qayta tekshürüshke buyrughan .

Xua xua mes'ulliqidiki bu "7-idare", yéqindin biri Dalaylama'ning alahide wekilliri bilen Xitay hökümitining wekilliri otturisida élip bérilghan mexpiy uchrishish we söhbet xatiriliri, Xitay hökümitining Tibetke qaratqan xizmet orunlashturushliri, pilanlirining hemmisi idarining kompyutérida saqlan'ghan bolup, melum "qara méhman" ning kompyutérgha hujum qilishi netijiside " qara méhman " teripidin "oghrilan'ghan " imish!

Bei jing'diki uzunqulaq bu shexsining éytishiche, bu mexpi höjjetlerning yoqalghanliqi, Xitayning hökümitining kelgüsidiki Tibetke bolghan konturuliqigha éghir tesir keltürüp chiqiridiken.
Shu sewebtin, Xitay dölet reisi xujintaw özini tutalmay derhal buyruq chüshürüp, merkezge we merkezge qarashliq barliq döletning yuqiri derijilik orunlirigha, dölet mexpiyetlikini omumiy yüzlük bir qétim tekshürüp chiqishni, mexpi höjjetlerning yoqalmasliqigha kapaletlik bérishke buyruq chüshürgen.

Hazir 53 yashtiki Xua xua esli Tianjin'lik bolup, ilgiri kéyin bolup Xitay Tibet tetqiqat merkizining muawin bash tetqiqatchisi, Xitay Tibet medeniyetni qoghdash we tereqqiy qildurush daimiy komitétining daimiy hey'et ezasi qatarliq muhim xizmetlerni ishligen iken. Xitayning birliksep idarisi asasliqi dalaylamaning chet'ellerde élip bériwatqan " bölgünchilik " herikitini küzitish, chet'elge qarita " xizmet " ishlesh, bu ayalning muhim xizmetliri bolup dalaylamaning alahide wekilliri bilen élip bérilghan söhbetni orunlashturghan iken.

" Reuters agéntliqi" ning bildüriche, Xua xua'ning xizmitidin qaldurlup jazalinishi, asasliqi uning Tibetke bolghan meydanining ajizlap ketkenlikidin bolghan,- dep qarimaqta iken.

Hazir mushu künlerde, Tibet xelqining rohaniy dahiysi Dalaylama, Hindistanning darssalam rayonida Tibet xelqining kelgüsi pilani heqqide jiddiy qurultay chiqiriwatatti.....

http://www.aboluowang.com/news/data/2008/1121/article_64045.html