Shwétsiyining Éskilstuna Shehride Uyghurlar Heqqide Körgezme Echildi

Abduréshid Haji Kérimi xewiri
2008-yil 11- ayning 20- küni

Bügün Shwétsiyining Eskilstuna shehride. Kishilik hoquq we dimograttiye témisida kölimi keng bolghan körgezme échilghan bolup, bu körgezmige, Shiwétsiyede yashawatqan uyghurlardin, Xelq'ara Qelemkeshliri Uyghur Merkizining munewwer ezasi, weten ichi we sirtida xelqimizge tonushluq bolghan dangliq naxshichi, muzikant, shair we yazghuchi, merhum Küresh Küsenning ayali Bextigül xanimning tirishchanliq körsitishi we izdinishi bilen Uyghurlarning kishilik hoquq we démokratiyisi heqqide körgezmige qatnishish telipi hökümet teripidin maqullinip, Uyghurlaghimu yer bérilgen idi, körgezmige, Uyghur xelqining 59 yildin biri Xitay komunstliri teripidin ishghal qilinip béshidin köchürgen sergüzeshtliri ipadilen'gen herxil renglik foto süretler, Uyghur xelqining meniwi anisi, Uyghur milliy herikitining yolbashchisi, dunya Uyghur qurultiyining reisi Rabiye Qadirxanimning kishilik hoquq témisida sözlewatqan resimliri, Uyghur qelemkeshlirining chet'elde yazghan bir qisim eserliri, kitabliri, Türkiye chiqidighan “ Istiklal géziti” "kökbayraq" jurnilining 2008 - yilliq sanliri, Germaniyede chiqidighan "Bizning Elimiz" jurnili, Shiwétsiyede chiqidighan "Gherb Shamili" jornili...... qatarliq yazma eserler qoyulghandin bashqa yene Uyghur xelqining milliy medeniyitini eks ettüridighan kiyimler we resimlik süretler, Uyghur taamlirimu qoyulghan idi.
Uyghurlargha birilgen yerge, Sherqiy Türkistanning kökbayriqi alahide gewdilik halda orunlashturulghan idi....

Bu qétimqi körgezme texminen bir hepte dawamlishidu. Bügünki ichilish murasimigha Shiwétsiyediki médiye orunliri, herqaysi téléwiziye qanalliri, radio stansiyilirining muxbirliri, gézit- axbarat orundikiler bolup köp adem qatnashti. Körgezmige kirgen kishilerning közi Uyghurlargha yer bérilgen 2 - qattiki kirip – chiqish zali bolup, kirgen – chiqqanlarning diqqiti , Uyghurlarning renglik resim we süretlirige, milliy rengge – reng kiyimlirige, Uyghur taamlirigha chüshüp turdi. Resim we süretlerni körgen yerlik Shiwit xelqi we chet'ellik köchmen dostlarmu bextigül xanimdin üzülmey soallar sorashti. Uyghurlarning kishilik hoquqi we démokratiyisige ait uchurlardin xewerdar boldi. Uyghur taamlarni tétip özmemnuniyitini bildürüshti.

Bu yil 8 - aydin 9 - ayghichimu, Shiwétsiyening Eskilstuna shehride, Xelq'ara Qelemkeshliri Uyghur Merkizining orunlashturishi bilen, merhum Köresh Küsenning hayat waqtidiki Shiwét dosti, Pér ependining Sherqiy türkistandin tartip kelgen renglik foto süretliri körgezme qilnip keng xelqning diqqitini qozghighan idi. Körgezme bashqurghuchining melumatidin qarighanda shu qitimqi körgezmini körgenlerning sani 30 mingdin ashqan iken.