Shwétsiye Uyghur Komitétining Saylimi Élip Bérildi

Abduréshid Haji Kérimi xewiri
2008-yil 11- ayning 15- küni

Bügün Shwétsiyining Paytexti Stockholm shehride, Shwétsiye Uyghur komitétining saylimi bolup ötti. Saylam démokratik usulda mexpiy awaz bérish usuli bilen élip bérilip, Shwétsiye Uyghur komitétining muawin reisi Mayinur xanim mutleq üstün awaz bilen Shwétsiye Uyghur komitétining reislikige saylandi. Muawin reislikige Ferxad Ibrahim we Dilshad Reshidler békitildi shundaqla Shwétsiye Uyghur komitétining daimiy hey'et ezalirimu békitildi .

Saylam bashlinishtin burun Shwétsiye Uyghur komitétining reisi Abdushükür Toxar , ötkenki ikki yilliq ishligen xizmitidin doklat berdi.

Shwétsiyige eng baldur kélip orunliship yerleshken, shundaqla Shiwétsiyede tunji qétim Uyghur teshkilatini qurghan péshqedem ustaz Farux Sadiqopqa, Uyghurlarning milliy en'enisi boyunche Shwétsiye Uyghur komitétining reisi Abdushükür Toxar Shiwétsiyediki Uyghurlargha wakaliten ton kiydürdi we uning Shiwétsiyede qilghan 10 yilliq xizmetlirini eslep ötüp yuqiri baha berdi. Yighin qatnashquchiliri güldüras alqishlar yangritip ferux akini qutluqlidi.

Saylamgha Shiwétsiyede yashawatqan, xelq'ara qelemkeshliri Uyghur merkizining bashteptishi Abduréshid Haji Kérimi qatarliq 3 kishi riyasetchilik qildi.