|
Dunyada Ashqazan Kiselligi Barghanséri Köpeymekte
 Hörmetlik
tordashlar! Ashqazan kiselligi pütün dunyada nahayti téz köpiyip kitiwatidu
we dunyada eng köp tarqiliwatqan kisellikler gurupisigha kirdi. Her bir
kishi ömride bir qétim chuqum ashqazan yallughidin aghrip doxturxanilargha
bérishi mumkin. Ashqazan kiselligi bilen doxturxanilargha kelgen
bimarlarning köpinchiside kelinik ipadilirini tekshürgen waqtimizda „DISPEPSI“
yeni hezimsizlik kiselligi bayqalmaqta. Bu xildiki bimarlarning shikayetliri
adette oxshash bolup, tamaq yigendin kéyin meydiside ésilish, meyde aghriqi,
qozaq boshlughi aghriqi, ashqazan'da échishish, yigen ghizalarning
singmestin ashqazanda toruwélishi, qusush, xam kékirish we meyde sanjighi
digendek ehwallarni köreleymiz. Bu bimarlarning qandaq qaysi sewebtin we
nemiler ziyan qilip shundaq aghriqqa giriptar bolghanliqini hazirghiche
dunya tibbi xadimlirimu tetqiq qilip tapalmay kelmekte.
Ashqazan kisellikning gormon xaraktirliq, nerwa xarektirliq, yaki yemilik
ichimlik zeheri, köp haraq ichish tamaku chikish, achchiq chochuk nersilerni
köp yéyish, qattiq ghezep we köngul aghriqidin yaki sewebi melum bolmighan
amillar tüpeylidin kilip chiqidu dep gumani köz qarap kelmekte.
Doxturxanilargha kelgen bimarlarning köpinchisi „GASTRIT“ yeni ashqazan
yallughi digen kisellik bilen diagnoz qoyulup dawalanmaqta.
Ashqazan kisellikliri arisida feqetla yuqurida bayan qilinghan „GASTRIT“
emes belki „ULSER“ yeni ashqazan yarisi, ashqazan 12 barmaq yarisi, ashqazan
kirish éghizi yallughi we ashqazan raki digendek aghriqlarmu nahayti köp
sanni igellimekte.
 Hörmetlik tordashlar! doxturlargha körünmey istimal qilinghan dorilar
ashqazan kiselligini keltürüp chiqalaydu. Mesilen: romatizim doriliri we
pütün aghriq toxtatquchi dorilar ashqazanni zeherlep aqiwiti xeterlik
bolghan weqelerni keltürüp chiqiridu. Ashqazan yarisi we ashqazan
yallughigha oxshash kisellikler bu mezkur dorilarni köp istimal qilishtin
meydangha kelmekte. Shunglashqa yuquridiki romatizima we aghriq toxtatquchi
dorilirini doktorlargha körünmey turup istimal qilmasliq we qet'i bu xildiki
dorilarni öz ixtiyari xalighanche ishletmeslik lazim.
 Hörmetlik tordashlar! bu ashqazan kisellikliri arisida eng xeterlik bolghini
ashqazan yarisidur. Ashqazan yarisining aldinqi alametliri qattiq meyde
aghriqi bashlighan bir kishide chong teritide qewziyetlik, qan qusush, chong
teritining qara renglik kilishi we hezim systimisi körünerlik derijide
ajizlash digendek weqeler_alametler körülidu. Ashqazan kisellikning aldini
élish we dawalash mesilisige kelsek bu kisellikni dawalashta ishlitilidighan
dorilar pütün dunyada asasen oxshash „H2 RECEPTOR BLOCERI“ dep atilidighan
dorilar gurubi yaki „PROTON POMPS INHIBITOR“ dep atilidighan dorilar gurubi
bilen dunyadiki tibbi doktor xadimlar bu kiselliklerni dawalap saqaytishqa
tiriship kelmekte.
Yuquridiki dorilarning bezisi Ashqazandiki „kislata“ miqdarini töwenletküchi
dorilar bolup bu dorilarning chuqum mutexessis doktorlar bilen körüshüp
ochuq diagnoz qoydurup andin kéyin istimal qilinishi nahaytimu muhim dep
qaralmaqta, chünki xata istimal qilinghan teqdirde bu dorilarning
ashqazandiki „kislata“ miqdarini heddidin ziyade chüshürüwétip bezi
ehwallarda ashqazanda „bakteriye“ peyda qilip qoyushi mumkin, bolupmu
yashanghanlarning ashqazan kesellikige téximu köngül qoyishi lazim. Yash
ösmurlerge qarighanda qérighanlarning „immunit“ systimisining teximu ajizlap,
kisellikning téz sür''et bilen köpiyishige sewep bolidighanlighi bayqaldi.
Hormetlik tordashlar! her bir kishining ashqazan kiselliklirige dair
melumatlarni igellep dunyadiki bu xeterlik kisellikke giriptar bolmasliq
üchün diqqat bilen tiriship - tirmiship saqliqni saqlap, sehiye xadimliri
bilen bolghan munasiwettini yaxshilap pütün kiselliklerge qarshi turishini
umid qilimen.
Bügünki zamaniwi dunyada sehiye we saqliqni saqlash xizmetliri nahayti
yoquri pellige kötürülmekte, mundaq bir weziyette hemme xelq sehiye
bilimliri we xizmetlirini yaxshi bilip sehiye saqliq hoqoqini qoghdishi
kérek.
DR.ABDULKERIM
|
