Uyghur Kanada Ayalliri “ Islam We Ayallar” digen Témida Söbet Yighini Ötküzdi

Uyghur Kanada jemiyiti ayallar bolimi mushu ayning 9 – küni Kanadadiki Uyghur ayalliri ikkinchi qétimliq yighilishini ötküzdi. Bu qétimqi yighilishqa chaqirilghan asasliq sözchilerdin Dr. Bullock, özining nahayiti dindar bir Xiristian ailiside chong bolghanlighini, ottura mektepni püttürgenge qeder Eysa peyghemberimning tarixi we Xiristian dinigha ait nurghun bilimlerni igelligenligini amma kallisida tughulghan soallar we chüshiniksiz mesililerge jawap tapalmighanlighini, buning bilen özining dinsizliship Markisimgha, pen tereqqiyatqila étiqad qilidighan bolghanlighini, universitetta masterliq oqiwatqan chaghlirida Kanadadiki eng pa'aliyetchan “Feminist” bolghanlighini éytip mundaq deydu:
“Injil Eysa peyghember alemdin ötüp on yildin kéyin bashqilarning hikayilirige assasen yézilghan. Birmunche kitaplarni birleshtürüp ayrim ayrim yerlerde ayrim yézilghan bolghachqa Injilning esli nusxisini tapqili bolmaytti hem Injilning her bir nusxisi bir birige oxshimaytti, qaysining rast ikenligini bilgili bolmaytti. Men öz soallirimgha jawap taplamay axir dinsiz birige aylandim, pütün dinlarni yalghan hikaye dep qarayttim. Feminist bolghinim üchün Islam dinigha téximu bek öchlük qilattim, chünki Islam diniy ayllarni töwen köridighan din dep chüshinettim, mektepte oqughuchillirimgha dawamliq Islam dinini tenqidlep sözleyttim. Kéyin men ilim pen sahesining, bu dunyani yaratquchi bir küch bar u bolsimu nahayitimu yüksek bir lahiyligüchi dep alem sirlirini u yüksek lahiyligüchi bir küchke baghlighanlighi heqqidiki bir kitapni oqudum. Dimek, ilim pen sahesimu dunyaning tégige yetelmey axiri bir küchke apirip taqighan idi, buning bilen men axiri bir xudaliq dinlarning hemmisini teqqiq qilishqa bashlidim nurghun yil serip qildim. axiri islam dinila manga pütün chüshiniksizlerni yéship berdi. Hem Qur’anning Allah teripidin Muhammed eleyhissalamgha yetküzülgenligige sheksiz ishendim, chünki 17 – esirdiki Erep dunyasida chong bolghan Muhammed eleyhissalamning mundaq bir kitapni özi yazalishi mumkin emes idi. Uning üsitge Qur’anning esli nusqisi hazirghiche saqlanghan bolup Qur’an peqet birla idi.”

Dr. Bullock ning dostliridin hörmentlik Mariam xanim we yazghuchi Huda xanimlarmu öz tesiratlirini sözlidi we Uyghur Kanada ayallirigha kitap sogha qildi. Ayallar ma'aripi, Islamdiki köp xotunluq, shundaqla musulman ayallirining we musulman bolmighan ayallarning jemiyette uchraydihgan bésimliri we bu toghrisidki perqler toghrisida bezi soallirimizgha tepsili jawap berdi.

Uyghur Kanada ayallarning bu qétimqi pa'aliyiti nahayitimu muhim qimmetke ige ehmiyetlik pa'aliyet bolup, weten sirtida Uyghur milliy kimlikimizning ayrilmas bir qismi bolghan diniy erkinligimizni qoghdap qélish pursitige ige bolghan Uyghur anilarning qimmetlik rolini jari qildurushta bekmu küchlük terbiyiwi role oynidi.