Yurtigha Qaytqan Paxtichi Xitaylar 1 Milyon Kilogiram Paxtini Birge Élip Manghan

< Xin hua axbarat agentliqi > ning 11 – ayning 6 – küni xewer qilishiche, Sherqiy Türkistangha paxta térish üchün ichki ölkilerdin kelgen 1 milyongh Xitayning 70 künde paxta térip tapqan puli 3 milyart yuan bolup, bular qaytidighan waqitta puldin bashqa yene her biri bir taghardin paxtini yurtigha kötürüp mangghan.

Yuqarqi xewerde körsütülishiche, bu paxtichi Xitaylarning kötürüp mangghan paxtisi eng az bolghandimu 1 milyon kilogiramgha yetidiken.

Hökümet tarmaqliri bu paxtichi Xitaylarning yurtigha qaytiwélishi üchün mexsus seperwerlik élip bérip, poyez tiransiportining qetim sanini ashurghan.

Hökümetning sanliq melumatlirida körsütülishiche, buyil kirgendin buyan Sherqiy Türkistandin, < térighili yer, qilghili ish yoq > digen sewep bilen Xitayning ichki ölkilirige mejburi ishlemchilikke iwetilgen Uyghur dehqanlirining sani 300 mingdin ashidu, bundaq bir ehwal astida ichki ölkilerdin milyonlighan Xitaylarning Sherqiy Türkistangha ishleshke élip kélin'genliki we ularning 70 künde tapqan pulining bir Uyghur dehqanning ikki yilda tapqan puligha toghra kelgenliki Uyghurlar arsida küchlük naraziliq peyda qilmaqta.