Sherqiy Türkistanda 30 Yilda 3 Milyon 700 Ming Bowaq Az Tughulghan

Sherqiy Türkistanda yerliklerge qarita 1988 – yilidin buyan izchil türde yolgha qoyulup kéliniwatqan atalmish < pilanliq tughut > siyasiti bolsa, kommunist Xitay hakimiyitining Uyghurlarning neslini qurutush meqsidide élip bériwatqan tüp siyasetlirining biri.

Xitay hakimiyitining bu siyasiti, Sherqiy Türkistanda köpligen ana we balilarning waqitsiz ölüp ketishige sewepchi bolmatqa.

Gerche Xitay hökümitining resmiy qanunida, sheherlerdiki Uyghurlarning ikki perzent, yezilardiki uyghurlarning 3 perzent köreleydighanliqi ochuq belgilen bolsimu, emma Xitay hökümiti uyghurlarnimu xuddi Xitaylardek birla perzent körüshke qistap kelmekte we hamildar ayallarni türlük tehdit we besimlar bilen bala chüshürüsh opiratsiyesi qildurushqa zorlimaqta.

Mesilen, < Tian shan tori > ning 11 – ayning 7 – küni xewer qilishiche, kéyinki 30 yilda Sherqiy Türkistanda 3 milyon 700 ming bowaq pilandin az tughulghan.

Adette < pilandin az tughush > digen bu uqum, qanuniy jehette ikki yaki 3 bala tughush hoqoqigha ige bolghan, emma bu hoqoqidin paydilanmay birla perzent perzent körgenlerge qaritilghan bolup, yuqurida tilgha élin'ghan 3 milyon 700 ming bowaq bolsa hamildar bolghandin kéyin opiratsiye arqiliq chüshürüwetilgen bowaqlardin ibaret.