Dalay Lama Aptonomiye Arqiliq Tibet Mesilisini Hel Qilishtin Ümidini Üzgenligini Jakarlidi

Tibetning rohani dahisi Dalay Lama 10-ayning 25-küni Hindistanning Dramasala shehride özining bundin keyin Xitay hökümiti bilen Tibetning kelgüsi heqqide bolidighan herqandaq tenchliq sohbetlerni axirlashturidighanliqini jakarlighan. U sözide Xitay hökimiti bilen elip barghan Tibetning kelgüsini tenchliq bilen hel qilish tirishqanliqlirining hichqandaq ümün bermigenligini, emdi özining bu heqte ümüt üzgenligini bildürgen. Shundaqla bundin keyin Tibetning kelgüsige munasiwetlik ishlarni Tibet sürgün hökimitining özi bir terep qilidighanliqini bildürgen. Dalay Lama uzundin buyan, köp qetim Xitay hökimiti bilen Tibet waqitliq hökimiti otturisida "kelishtürgüchi" rolini oynashqa tirishqan bolsimu emma, Xitay hökimiti teripidin nezerge elinmidi we Dalay Lama otturgha qoyghan tenchliq bilen hel qilish tekliplirimu Xitay hökimiti teripidin ret qilinip kelindi. Xitay hökümiti her qetimqiy söhbette, peqet Dalay Lamaning Xitaygha qaytip kelishini, shundaqla uning Xitaygha barghandin keyin shexsi salahitining hel qilish teklibini otturgha qoyupla, Tibet mesilisini izchil inkar qilip keldi. Shunga Dalay Lama bu qetimqiy sözide Tibet mesilisi uning shexsi mesilisi emesligini, bu 6 milyon Tibet xelqining mesilisi ikenligini emdi Tibet mesilisini Tibetning sürgündiki hökimiti özi siyaset belgilep hel qilidighanliqini bildürdi shundaqla Tibet parlamenti we Tibetning sürgündiki hökimitige keler ayda jiddi yighin chaqirishini telep qildi. Tibetning sürgündiki hökimitimu eger yeqinda bolidighan Xitay-Tibet söhbiti yene burunqidek ehwalda elip berilidighan bolsa, sürgündiki hökimetmu bundin keyinki söhbetlerni pütünley üzidighanliqini jakarlidi.