Xitayning Uyghur we Tibetliklerge Qaratqan Irqiy Ayrimichiliq Siyasitining Janliq Ispati

Nöwette Uyghurlar meyli Xitayning ichki ölkilerde bolsun yaki Sherqiy Türkistanning özide bolsun eghir irqiy ayrimichiliqqa uchrimaqta web u xil irqiy ayrimichiliq kündin - kün’ge eghirlashmaqta.
Yeqinda Beijingdiki bir mehmanxana aldigha yerlik saqchi idariliri teripidin mundaq bir wiwiska esilghan:


 

Jiddi Uqturush

Herqaysi memuri rayonlardiki mehmanxana, munchixanilar diqqitige:
Jamaet Xewpsizlik tarmaqlirining telibige asasen, bügündin bashlap Xeydian rayonidiki herqaysi mehmanxana, munchixanilargha chüshken „Tibet, Uyghur“larning kimliki qaatiq tekshürilishi, shundaqla saqchilargha melum qilinishi kerek……qatarliqlar yezilghan.

Bu Xitaydiki qanunni ijra qiliwatqan orunlarning Tibet, Uyghurlarni omumyüzlük, tekshürüsh heqqide qaritiwatqan ashkara uqturushi. Bundaq uxturushlar Xitayning ichkiri ölkiliridiki herqaysi sheherliride uchraydu. Bu xil milliy kemsitish we irqiy ayrimichiliqlar Xitayning ichki ölkiliridila emes, Uyghurlarning öz yurti bolghan Sherqiy Türkistandimu eghirlashmaqta. Bolupmu Xitayda Olimpik axirlashqandin keyin, Uyghur Aptonom Rayonida atalmish „üch xil küchler“ge qarshi hayat-mamatliq jeng elan qilip, pütkül Sherqiy Türkistan miqyasida omumiy heriketni bashlidi. ETIC ning wetendin alghan xewirige qarighanda hazir mesjidlerge kameralar orunlashturulghan bolup, mesjidlerning imamlirini biwaste hökümet belgilesh, mesjidlerde xutba ornigha kompartiyeni medhiyeleydighan höjjetlerni oqushni imamlargha wezipe qilinghan. Her bir mesjidlerge Xitay hökimiti teripidin mexsusu boghaltirlar qoyulghan bolup, mesjidlerge toplinidighan fitri-zakatlarmu hökümet teripidin bir tutash bashqurush yolgha qoyulidiken. Hazir pensiyege chiqqan Uyghurlarningmu dingha etiqat qilishqa ruxset qilinmaydighan bolup, orunlashturulghan kameralar arqiliq, kimning mesjidlerge kirip-chiqiwatqanliqi, hetta ularning xutbida oquliwatqanqan Xitay kompartiyesige dair höjjetlirige bolghan chirayidiki özgirishilirigichimu küzitilidiken. Keng Uyghur jamaiti buninggha qattiq narazi bolmaqta. Emma Xitay hökümiti herqandaq shekildiki naraziliq we qarshiliqlarni peqet „üch xil küchler“ katigoriyisige kirgüzüp basturmaqta.