Yawropa Sherqiy Türkistan Birligi Roza Héytni Qutluqlash Paaliyiti Ötküzdi

Yillardin buyan Gérmaniyede yashawatqan Uyghurlar héyt namaz we ayemlırını birlikte ötküzüp, kolliktip halda héytlash élip bérishni adetke aylandurup kelmekte.

Bügünmu, yeni 10-ayning 5-küni Gérmaniyening München shehride yashawatqan Uyghur wetendashlar, <Yawropa Sherqiy Türkistan Birligi> ning ishxanisigha toplunup, Roza héytni qutluqlash pa’aliyiti ötküzdi.

Roza héytni qutluqlash paaliyiti sa’et14:00 te bashlinip sa’et 17:00 giche dawamlashti.
Paaliyette teshkilat rehberliri söz qilip Gérmaniyediki wetendashlirining roza héytini qutluqlidi. Dunya Uyghur Qurultiyining sabiq reisi, ustaz Erkin Alptekinmu roza héyt paaliyitini bille ötküzdi.

<Dunya Uyghur Qurultiyi>ning bash katibi, <Yawropa Sherqiy Türkistan Birligi> reisi Dolqun Eysa ependi qatarliq teshkilat rehberliri söz qilip, wetendashlirining Roza heytini qutluqlash bilen birge, nöwettiki Xitay hökümitining Sherqiy Türkistandiki Uyghur musulmanlirigha ramazan eyi we roza heyt jeryanida qaratqan basturush we qattiq nazaret qilish heriketliri üstidin shikayetler qilip, normal diniy mejburiyetlirini ada qilishtinmu mehrum qeliwatqan Uyghur qerindashlirimizgha janabi allahtin bexit – sa’adet we xeyirlik tilesh bilen birge, chetellerde yashawatqan qérindashlirimizni wetenperwerlikke, inaq – ittipaqliqqa, birlik – barawerlikke dalalet qildi. Sherqiy Türkistangha musteqilliq, Uyghur xelqighe hörlük we erkinlik tilidi.

Paaliyette Yawropa Sherqiy Türkistan Birligi Sen’et Ömigi teripidin teyyarlanghan héytliq sen’et programmiliri qoyuldi.

Paaliyet jeryanida yene wetendashlar bilen nöwettiki teshkilat qurulmiliri, teshkilat ezalarning ehwali heqqide pikirler almashturuldi, shundaqla Türkiyediki wetendashlarning we teshkilatlarning salimini yetküzüsh bilen, Türkiyedede yillardin beri neshir qilinip keliwatqan, pesillik mejmue <Kök Bayraq>ni tonushturdi we wetendashlarni bu mejmuege abune bolushqa chaqirdi.
.