DUQ Teripidin, < Matem Küni > dep Élan Qilinghan 1 – Öktebirde Germaniyede Xitaygha Qarshi Namayish Ötküzüldi

Milliy rehbirimiz we meniwiy animiz Rabiye xanim riyasetchilikidiki < Dunya Uyghur Qurultiyi >, Xitay xelq jumhuriyiti bilen atalmish < Xin Jiang Uyghur Aptonom Rayoni > qurulghan 1 – ötebir künini, < Sherqiy Türkistan xelqi üchün matem küni > dep elen qilip, chetellerde paaliyet elip beriwatqan Uyghur teshkilatlirini bu matem künide özliri turushluq ellerde Xitay hakimiyitige qarshi naraziliq heriketliri elip berishqa chaqirghan idi.

Shundin buyan herqaysi ellerdiki Uyghur teshkilatliri we Uyghur siyasi paaliyetchiliri, Rabiye xanim we unung riyasetchilikidiki < Dunya Uyghur qurultiyi > ning yuqarqi chaqiriqigha yeqindin awaz qoshup, her yili 1 – öktebirde Xitaygha qarshi türlük naraziliq pa'aliyetlirini izchil dawamlashturup kelmekte.

Shu qatarda 1 – öktebir küni Germaniyening München shehride yashawatqan Uyghur qerindashlar, DUQ merkizi orgini we Qurultay qarmighidiki < Yawropa Sherqiy Türkistan Birliki > teshkilatining uyushturushi bilen, Xitayning München shehridiki konsulxanisining aldigha toplunup, Xitaygha qarshi naraziliq namayishi elip bardi.

Sherqiy Türkistanning ay – yultuzluq kök bayriqini, Xitay hakimiyitining Uyghur xelqighe seliwatqan zulumliri ekisettürülgen lozunka we resimlik taxtilarni kötürüshüp, Germanche, Xitayche we Uyghurche tillarda jarangliq sho’ar towlushup, özlirining mustebit kommunist Xitay hakimiyitige bolghan nepriti we naraziliqlirini bildürüshti.

Namayish jeryanida yene, Xitay hakimiyitining Uyghurlargha seliwatqan zulum we besimliri pash qilinghan Germanche teshwiqat waraqliri etraptiki yerlik ammigha tarqitip berildi.
DUQ ning bash katipi we DUQ qarmighidiki < Yawropa Sherqiy Türkistan Birliki > teshkilatining reyisi Dolqun Eysa, DUQ ichki ishlar komutetining reyisi Abdujélil Ememt qarimlar namayish jeryanida sözligen nutuqlirida, 1949 – yili Xitay xelq jumhuriyitining qurulushining, Sherqiy Türkistan xelqi üchün yengi bir zulum we mustemlikichilikning bashlinishi ikenlikini, Xitay komunist hakimiyiti Sherqiy Turkistanni ishghal qilghan 59 yildin buyan, xelqimizning tarixta misli korulmigen eghir pa'ajielerge, qirghinchilqilargha muptila bolghanliqini, Xitay hokumitining xelqimizning yighisi, ahu-peryadliri bedilige her yili 1- öktebirni, “Dölet bayrimi” qilip tentene qilip kelgenlikini eskertip, < Amma jesur millitimiz bu mustemlikichilikni qobul qilghini, bu achchiq qismetke boyun egini yoq, isiq qanliri bedilige küreshliri bilen erkinlik, hörlüke bolghan ishenchisini we iradisini küchlendürüp kelmekte > dep körsetti.

Germaniye waqti chüshtin kéyin 5 tin 7 giche ikki saet dawam qilghan bu qétimqi namayishqa, < Sherqiy Türkistan Informatsiyon Merkizi > ning mesullirimu qatnashti.
.