|
Rozi Héytingizlargha Mubarek Bolsun
Weten ichi we sirtida yashawatqan Sherqiy Türkistanliq barliq
qérindashlirimizning Rozi héytini mubarekleymiz we xelqimizge janabi
allahtin hörlük, erkinlik, amanliq, bexit – sa’adet tileymiz !
Eziz qerindashlar, erkin dunya elliride yashawatqan musulmanlar 12 ayning
sultani hisaplanghan mubarek Ramazan eyini axirlashturup, xoshalliq we
bextiyarliq tuyghusi ichide Rozi heytini qutluqlawatqan shu künlerde, weten
ichidiki xelqimiz mustebit kommunist Xitay hakimiyitining chekidin ashqan
zulumwe bésimi, shundaqla döwlet téror siyasiti astida özlirining bu
muqeddes héytini azadilik we xatirjemlik ichide ötküzüshtim mehrum qalmaqta.
1 milyon 848 ming kuwadirat / kilometirliq bipayan zimingha we pütmes –
tügimes tebiy bayliqlargha ige bolghan Uyghur musulmanliri bügün Xitay
hakimiyitining talan – taraji tüpeylidin ach – yalingachliq we gheriplik
ichide yashashqa mejbur bolmaqta.
Bolupmu mu buqeddes héyt künide Xitayning ichki ölkiliride xorluq we qulluq
ichide mejburi yashawatqan 100 minglighan bichare Uyghur qizlirining
wetinige, yurtigha, ayilisige we uruq – tuqqan,dost – buraderlirige bolghan
seghinish we hesret tuyghusi ichide qan yighlawatqanliqini köz aldimizgha
keltürginimizde yürikimiz cheksiz azaplinidu we xelqimizni bu künlerge
chüshürüp qoyghan rehimsiz Xitay hakimiyitige bolghan öchmenlikimiz hessilep
ashidu.
Xitay hakimiyitining dinsizlashturush siyasiti tüpeylidin bügün minglighan
diniy zatlirimizning türmilerde qiyin – qistaq ichide yashawatqanliqini,
yene Xitayning ziyankeshlikidin saqlinish üchün minglighan diniy
zatlirimizning öz yurtida yetimchi bolup qechip yürüshke mejbur
boluwatqanliqini, Uyghur mosulmanlirining Roza tutush we tirawil namizi
oqush uyaqta tursun, hette öyliride namaz oqush hoqoqidinmu mehrum
boluwatqanliqini köz aldimizgha keltürginimizde, xelqimizning kilechikige
bolghan endishimiz we qayghumiz hessilep ashidu.
Emma shu bir heqiyqetki, özlirimizning insani heq – hoqoqlirimizni, qedir –
qimmetlirimizni, millitimizning milliy we diniy mewjutluqini qoghdap qalimiz
we dunya musulmanlirigha oxshash erkin we azadilik ichide héyt –
bayramlirimizni qutluqlaymiz deydikenmiz, u halda jezmen pütün zulum we
malayi – apetlerning menbiyi hisaplanghan Xitay kommunistik hakimiyitining
mustemlikisidin we boyuntoruqidin qurtulushimiz lazim, erkin dunya
döwletliri qataridin orun almay turup erkin yashash mohitigha ige bolush
mumkin emes, bu bizning birdin – bir chiqish yolimiz !
Axirida, Sherqiy Türkistanning musteqilliqi, Uyghur xelqining hör – azatliqi
üchün eziz janlirini qurban qilghan shehitlirimizge bolghan yüksek
hörmitimizni izhar qilish bilen birge, pütün xelqimizge janabi allahtin
xeyirlik we erkinlik tileymiz.
Hörmet we ehtiram bilen :
< Sherqiy Türkistan Informatsiyon Merkizi > ning reyisi
|
