|
Meshhor Dinniy Ölima Abdusamiy Mexsum Hajim Wapat Etti
Abdurshid Haji Kerimi xewer qilidu.
Sherqiy Türkistanda tonulghan meshhor dinniy ölima Abdusamiy Mexsun hajim
2008 - yil 9 -ayning 24 - küni Atush shehrining Astin'atush Baghriq
mehellisidiki özining qedimi öyide 79 yéshida alemdin ötken. 25 - küni depne
qilinghan.
Merhomning jinaza namizi özining qedimi makani bolghan Baghriqdiki tughulup
ösken we ewlad qaldurghan öyide chüshürülgen. Jinaza namizigha 20 mingdek
kishi qatniship nahayti katta ötküzülgen. Jinaza namizi chüshürüsh jeryanida
Qur'an tilawet qilinghandin sirt uning urugh – tuqqan jemetliridin. ehli
islam kishiler teripidn mersiye oqulghan we uzun nutuq sözligen, merhomning
hayat waqtidiki ish izliri bir - birlep teriplinip, " merhom zulumgha qarshi
harmay küresh qilghan ailide ösüp yétilgen .... öz millitiy üchün bir ömür
köresh qilghan wetenperwer zat... Weten millet üchün azab chekkenlerni
qolidin kilishiche qollighan… séxi qolini sunghan....",- dep teriplinip
ötülgen hemde merhomgha yuquri baha bérilgen.
Merhom dinniy ölima Abdusamiy mexsum hajim , tarixda ismi köp zikri
qilinidighan ataghliq dinniy ölima Emet xatip hajimning oghli bolup, Xitay
komunistliri Sherqiy Türkistanni bésiwalghan deslepki yillarda dinniy
ölimalarning wekili süpitide Wang Jin bilen körüshkende qoligha yaghliq orap
Wang jin bilen qol élip körüshken, körüshüp bolghandin kéyin Wang jingha
qaritip turup yaghliq bilen qolini pakiz bir nechche qétim sürtüp bolghandin
kéyin yerge tashlighan....
Merhom Abdusamiy mexsum hajim adettiki dinniy ölima adem bolupla qalmastin
wetenperwer, özmillitini söyidighan milletperwer zatliqi bilen xelqi alemge
tonulghan.
Xitay komunistliri we uning qismen ghalchiliri merhomgha düshmenlik qilip
bir nechche qétim süytqest qilip mashina weqesi sadir qilghan shu seweptin
uning minge qan tomuri jaraetlinip mingisige qan chüshken shu seweptin
alemdin baldur ötüshke sewep bolghan iken.
Merhomning yatqan yéri jennetin bolsun, amin!
Merhomning aile tawabatlirigha we uning urugh tuqqan qérindashlirigha janabi
Allahdin sebre tileymen!
Bir Uyghur bolush süpitim bilen merhomgha ali ihtiram bildurimen.
Shiwtsiye
2008 – yili 9 - ayning 26 - küni
|
