|
Xitayning, < Qosh Tilliq Ma’arip > Siyasitige Naraziliq Bildürgen Ibrahim
Memet 10 Yilliq Qamaq Jazasigha Höküm Qilinghan
2007 – yili Yerken nahiyeside 5 neper Uyghur yash siyasi sewep bilen qolgha
élinghan, hazirgha qeder Xitay hökümiti bu yahslarning qandaq < jinayet >
ötküzgenliki we nege qamalghanliqi heqqide ularning ayilisidikilerge
hechqandaq melumat bermigen idi.
ETIC bu heqte tekshürüsh élip berish arqiliq, qolgha élinghan bu yashlardin
36 yashliq Ibrahim Memetning buyil 6 – ayning beshida mexpiy sot qilinip, <
döwletning qosh tilliq maarip siyasitige qarshi chiqip, quturatquluq
jinayiti ötküzgen > digen töhmet bilen 10 yilliq qamaq jazasigha höküm
qilinghan we Ürümqidiki Ba jia hu türmisige qamalghan, qalghan yashlarning
aqwiti heqqide hazirgha qeder uchur yoq.
ETIC ning igellishiche, Ibrahim Memet eslide Yerken bazar ichide olturushluq
bir tijaretchi bolup, 2007 – yili bezi sorunlarda qilghan sözide, Xitayning
milliy maaripni Xitaylashturush meqsidide élip beriwatqan atalmish < qosh
tilliq maarip > siyasitini ochuq – ashkare halda eyipligen we bu siyasetning
Uyghurlarning istiqbaligha ziyanliq ikenlikini bayan qilghan, unung pikrini
unung 4 – 5 neper dostimu qollap – quwetlep pikir bayan qilghan.
Saqchi organliri bu ehwaldin xewer tapqandin keyin, Ibrahim Memet we unung
dostlirini qolgha élip türmige tashlighan. .
|
