Xitay Soti, Qeshqer we Kuchardiki Zerbe Bérish Herikitige Qatnashquchilarni Alahide Qattiq Jazalaydighanliqini Élan Qildi

< Tian shan tori > ning xewiride körsütülishiche, < Aptonom rayonluq yuquri sot mehkimisi > ning bashliqi Rozi Ismayil, 8 – ayning 14 – küni Ürümqide chaqirilghan < Xinjiang sot xizmiti yighini > da qilghan sözide, atalmish < 3 xil küchler > ning dilosini bir terep qilghanda, éghir jaza bérish we rehim qilmasliq siyasiti qollunush kérekligini, bolupmu yéqinda Qeshqer we Kucharda yüzbergen qarshiliq körsütüsh herikitige qatnashquchi < terorchilar > ni alahide qattiq jazalaydighanliqini bildürgen.
Rozi Ismayil sözide yene, ötken yildin buyan weten ichi we sirtidiki < 3 xil küchler > ning Olimpik yighinigha qarshi türlük < zorawanliq > heriketlirini alahide kücheytkenlikini, bu jeryanda köp qétim < terorluq > heriketlirining meydangha kelgenlikini, weziyetning intayin jiddi ikenlikini bayan qilghan we her derijilik sot mehkimiliridin, < 3 xil küchler > ge zerbe bérishni aldinqi nishan qilishni telep qilghan.