Sherqiy Türkistanning Kuchar Nahyiside Bir Yürüsh Partlashlar Yüzberdi

8 - ayning 9 -küni tang seher saet 02: 30 etrapida Sherqiy Türkistanning Kucha shehride Sherqiy Türkistan erkinlik we musteqilliq küchliri Xitayning Kuchadiki Xitay partkomi binasi, xelq hökümiti binasi, bajxana, bazar bashqurush we Xitayning bir pahishixanisigha tuyuqsiz hujum qilghan we ikki saqchi mashinisini pachaqlap tashlighan. ETIC ning deslepki igelligen xewirige asaslanghanda. Xitay tereptin ikki saqchi ölgen we bir bina amanliqni qoghdighuchi éghir yarilanghan.

Sherqiy Türkistan erkinlik we musteqilliq jengchiliridin 7 ayal, 4 er jemi 11 kishi shehid bolghan....

Yerlik xelqning déyishiche partlash ewazi nahyilik doxtorxana bilen sheher merkizdiki hemme jaygha éniq anglan'ghan.

Xitay hökümet terepning yeni Shinhua agentliqining xewirige asaslanghanda: Kuchar nahyiside bir yürüsh partlashlar yüz bérip 7 neper "qoralliq unsur" we bir neper amanliqni saqlash xadimi hayatidin ayrildi. Shundaqla nurghun adem yarilandi dep körsitilgen.

Shinxua agéntliqining bildürishiche yene yekshenbe küni ettigende Kuchar nahyiilik saqchi idarisi we bashqa hökümet binaliri yerlik usulda yasalghan bombining wujumigha uchrighan.

Shu yerdiki bixeterlik organ xadimlirimizning igelligen ehwaldin qarighanda partlash kech saet 2 yérim etrapida yüz bergen bolup neq meydanda öz közi bilen körgen guwachining éytishiche, bir taksi mashina nahayti téz sür'et bilen kilip saqchi idarisi bilen bazar bashqurush idarisigha qaritip bomba tashlighan.

Partlash sheher mekizide yüz bergen bolghanliqi üchün hayatidin ayrilghan we yarilan'ghanlarning sani yenimu ishishi mümkin,

Hazir Kuchar nahyisining ehwali bekmu éghir bolup, Ürümchige baridighan aptombillar toxtighan, jenupqa mangidighan aptombillarmu toxtighan, nahye we Aqsu wilayitimu herbi haletke kirgen bolup hemme yerni wehime qaplighan.

Weqe yüz bergendin kéyin Xitay hökümiti Kuchadiki pütkül saqchi, qoralliq saqchi qisim, bingtuan we herbilerni ishqa salghandin sirt yene Bügürde turushluq herbiy qisimlarnimu Kuchagha yötkep kelgen. Kuchani bolsa tashqiy dunyadin pütünley ayrip, qattiq herbiy helet yürgüzgen we yürgüzmekte.

BBC radiosining xewirige köre hetta chet'ellik muxbirlarmu Kuchagha qamilip héch yerge chiqishqa ruxset qilinmighan.

Necche kündin buyan pütkül Sherqiy Türkistan herbiy halet yürgüzülgen. Igellishimizche bügün chüshte Kuchada peqet ikki saetla dukan, soda sarayliri échilghandin kéyin yene derhalla taqitilip herbiy halet dawamlashqan. Kuchadiki weqe heqqide ETIC we chet'eldiki Uyghur teshkilatliri yenimu tepsili xewer elishqa tirishmaqta.

ETIC Xewiri