Ürümchide Besh Uyghurning Xitay Saqchiliri Teripidin Étip Öltürülgenliki Xelqaragha Yéyildi

2008-07-09 RFA Weli xewiri

Birleshme agéntliqining 7 ‏ - ayning 9 ‏ - küni Beijingdin bayan qilishiche, Xitay saqchiliri tünügün Ürümchide 'radikal islam bölgünchiliri' dégen jinayi nam bilen 5 Uyghurni étip öltürgen.

Shinhua agéntliqining xewiride éytilishiche, Xitay saqchiliri tutmaqchi bolghan 15 uyghur bir binagha yoshurunghan bolup, uning 5 i ayal, bularning hemmisi 'jahat qilish' üchün telim alghan kishiler. Ular musteqil dölet qurushni we 1949 ‏ - yilidin kéyin Shinjanggha kelgen Xitaylarni öltürüshni meqset qilidiken.

Xitay saqchiliri bularni tutqanda, yénida pichaq bar hem qarshiliq körsetken 5 kishini miltiq bilen étip öltürgen. 8 ni qolgha alghan, yarilandurulghan yene ikki kishi hazir doxturxanida.

Fransiye agéntliqi qatarliq uchur wastilirimu bu heqte xewer élan qildi. Ularning xewerliri 'asiya - ténch okyan géziti', 'xelqara uchur munbiri' qatarliq xelqaraliq chong gézitlarda bésilip chiqti. Engliyide chiqidighan télégraf gézitimu bu heqte bir qeder tepsiliy xewer élan qildi.