Xitay Tashqi Ishlar Ministiri Bayanatchisi, Xelq'araliq Muxbirlarni Kütiwélish Yighinida Yalghan Sözlidi

Tianshan torining mushu ayning 8 - küni xewer qilishiche Xitay tashqi ishlar ministerligining bayanatchisi Qing Gang chet'ellik muxbirlarning Olympic heqqidiki soallirigha jawab bergen. U muhbirlarning insan heqliri toghrisida sorighan soallirigha qilche xijil bolmastin tetürlük bilen mundaq jawab bergen: ”Xitayning insan heqliri nahayiti yahshi, peqet chet'ellerdiki bizni körelmeydighan bezi küchler we teshkilatlar mubalighe qiliwatidu, ular qanche shundaq qilghanséri bu bizning milli ghururimizni milletchiligimizni shunche kücheytip, ishlirimizni ghelbige élip baridu” digen u yene nomus qilmastin: “Xitaydiki insan heqliri peqet olympic sewebi bilen, yaki dölitimiz sirtidiki küchlerning arzusi tüpeylidin yaxshilinidighan nerse emes, bu bundin kéyinmu shundaq, biz insan heqlirini birer paaliyetning yüzi üchün ilgiri sürmeymiz, belki Xitay kommunistic partiyisi qurulghandin tartipla insan heqlirini yahshilashqa toxtimay tiriship we yaxshilap kéliwatimiz, asasliq insan heqliri bizning qanunlirimizda kapaletke ige. Xitaydiki insan heqliri sirtqi küchler teripidin emes belki bir milyarttin artuq Xitayda yashawatqan Xitay xelqi teripidin belgilinidighan nerse” dep biljirlighan.
Emma u pütün dunya xelqining, Xitay qanunida belgülengen asasliq insan heqlirining Xitayda peqet qeghez yüzidila qalidighanlighidin kapaletke ige emesligidin xewiri barlgihini qilche bilmeydighandek külkilik jawab bergen. Gerche u insan heqliri Xitaydiki birmilyarttin artuq Xitay xelqi teripidin ilgiri sürilidighan nerse dep toghra éytqan bolsimu emma bu birmilyart xelqning Xitay kommunist partiyisining éghir zulmi astida héchqandaq erkin sözlesh we öz hoquqliri üchün kuresh qilish hoquqi yoqlughini ulargha undaq imkanning hergizmu bérilmeydighanlighini nezerdin qachurushqa tiriship pütün dunya xelqi aldida qip qizil yalghan sözligen. Netijide tashqi ishlar ministiri Qing Gangning sözliri Xitay hökümitining insan heqlirige tutqan pozitsiyisini yene bir qétim ashkarilap, Xitay hökümitining qattiq abroyini chüshürgen.