Gui Zhou Weqesi

Mushu ayning 28 - küni Gui Zhou ölkisi, Gong An Fu nahiyisidiki bir ottura mektepning qiz oqughuchisi tuyuqsiz bir kéche ghayip bolup ketkendin kéyin ertisi bashqilar uning öligini deryadin tepiwalghan eslide bu qiz oqughuchi nahiyining muawin bashlighining oghli we bashqa birnechche lukchek terIpidin basqunchiliqqa uchrighan we kéyin deryagha tashliwetilgen iken. Saqchi terep gumanliq kishilerni peqet besh saet tutup turupla qoywetklen, we qizning erz qilip kelgen tuqqanlirini urup yarilandurup heydiwetken. Netijide, qiz oqughan ottura mektepning oqughuchilliri saqchi idarisigha basturup barghan , jidel barghanseri chonguyup on nechche saqchi mashinisi köydüriwétilgen we bir oqughuchi étip öltürülgen. Naraziliq bildürgüchiler topi on minggha yétip, qalaymiqanchiliq köpiyip bu nahayeni saqchilar qoralliq qamalliq qilip sirttin herqandaq ademning kirishini we xewerlishish yollirini üziwetken. Weqe téxi bésiqmighan bolup , basturulushning jeryani éniq emes.

Gui Zhou ölkiside asasi jehettin Miazular yashaydighan bolup, birqiz üchün bir nahiye xelqining kötürülüp chiqishi heqiqeten kishini söyünduridighan roh. Ejiba Miao Zulardiki ashu ghurur we roh bizde yoqmu? Uyghurlardiki zulumgha qarshiliq körsitish küchi pütünley tügep kettimu? Qanchilighan Uyghur qizliri ichkiri ölkilerge toshulup depsende qilinip pahishhanilargha sétiliwatidu, öliwélishqa mejbur boliwatidu emma ularni suruhturgidek adem chiqqini yoq nime üchün? Chünki, xanimqizlirini közqarchughi, ana ziminning simiwoli dep bilidighan ghururluq Uyghurlar bügünki künlükte tömür ishkelde kishenlendi, mangalmaydu. Éghizliri tikiwétildi, sözliyelmeydu . Bu yenila Xitay hökümitining Sherqiy Türkistangha özining bashqa ölkiliridin tuptin perqlinidighan éghir bésim we dehshetlik tizginlesh siyasiti ishlitiwatqanlighini körsitidu.