Shinjin Shehride Saqchilar Uyghur Sodigerlerni Tutqun Qildi

11- ayning 16 - küni Xitayning Shinjin shehride soda qiliwatqan Uyghur sodigerliridin 62 kishi namayish qilishqa urunghan digen bahane bilen Xitay saqchiliri teripidin tutqun qilinghan. Bular eslide Sherqiy Türkistanning her qaysi yerliridin sodigerchilik bilen tirikchilik qilishqa barghanlar bolup, bu Uyghurlar sétiwalghan mallirini öz yurtlirigha élip kétish üchün Shinjindiki mal yötkesh orunlirigha ötküzüp tigishlik resmiyetlerni ütigen bolsimu, bu mallar Sherqiy Türkistandiki tégishlik kishilerge yetküzüp bérilmigen. Shu seweptin Uyghur sodigerler Shinjindiki mal yötkesh orunlirigha bérip sürüshte qilghanda, saqchi dairliri bu Uyghur sodigerlerni namayish qilishqa urunghan, dep qara chaplap 62 neper Uyghurni tutqun qilghan. Bulardin 56 neper Uyghur sodiger 10 kündin kéyin qoyup bérilgen bolsimu, qalghan 6 neper sodiger hazirmu Shinjin türmiside iken bularning ichide Ürümchilik Ismayil Hajim, Hotenlik Ablehet isimlik aka-ukilar, Turpanliq Rawidin qatarliq sodigerler bar. Mana bu Xitay komunist hakimiyitining siyasi jehette bash egdürelmigen Uyghur xelqini iqtisadi wastiler arqiliq weyran qilishqa urunushtiki yene bir shumluqi bolup hésaplinidu.