|
Qurban Héytingizlargha Mubarek Bolsun!
Kindik qénimiz tökülgen ata makanimiz Sherqiy Türkistandiki süyümlük
qérindashlar, chet'ellerde wetenning musteqilliqi, milletning hörlğki üchün
japa-musheqqet, xeyim-xeterlerge bash egmey köresh qiliwatqan eziz
wetendashlar, hemmingizlarni dunya musulmanlirining qurban héyt bayrimi
munasiviti bilen chin qelbimdin tebrikleymen!
Alla taala özining iman éyitqan bendilirige nesip qilghan bu qutluq bayram
künliride, biz chet'ellerde istiqamet qiliwatqan Uyghurlar wetendiki
basqunchi Xitay mustemlikichilirining qatmu-qat zulimi astida azap
chékiwatqan qan-qérindashlirimizni cheksiz muhebbet ichide séghinmaqtimiz.
Biz gerche dunyaning her qaysi bulung-burjlirida yashwatqan bolsaqmu,
özimizning Uyghur ikenlikimiz, dunya medeniyitige ajayip uluq töhpilerni
qoshqan büyük bir milletning perzenti ikenlikimiz bilen pehirlinip yashaymiz.
Wetendiki 25 miliyondin artuq Uyghur xelqi özning halal süti bilen bizni
terbiyelep östürgen mihriban animizdur. Bizning dilimiz shu animiz bilen,
muqeddes ata makanimiz Sherqiy Türkistan bilen chemberches baghlanghan.
gerche xelqimiz yavuz Xitay basqunchilirining qanliq zulimi astida eqelli
insani hoqoqliridin ayrilip, yer yüzidiki héchqaysi bir millet yaki insan
türkümi yoluqup baqmighan balayi-apetlik künlerni öz béshidin ötküziwatqan
bolsimu, Allah taala xelqimizge behshende qilghan pak tupraqlirimiz qanhor
Xitay banditlirining paskina ayaqlirida depsende qiliniwatqan bolsimu,
xelqimiz wetenning musteqilliqi üchün élip bériwatqan köreshlirini
héchqachan tohtutup qoyghan emes. Peyghembirimizning " wetenni söyüsh iman
jümlisidindur" digen telimi her zaman bizge küch-quwet, eqil-paraset ata
qilghusi.
Qédirlik wetendashlar, qanxor Xitay hakimiyiti bügünki künde dunyadiki
ténichliqni söyidighan, erkinlik, barawerlik we insan hoqoqini qoghdashni
nishan qilghan barliq xelqlerning ortaq düshmini bolup qaldi. Bu chirik
hakimiyetning ichki qismidiki parixorluq, mustebitlik, buzuqchiliq qatarliq
illetler pat-arida bu diktator tüzülmini görge tiqidu! Bizning Xitay
basqunchilirigha qarshi muqeddes körishimiz haman bir küni ghelbige érishidu.
biz barliq wetendashlarni bir niyet-bir meqsette xelqimizning menivi anisi
Rabiye Qadir xanimning etrapigha uyushup, Xitay mustemlikichilirige qarshi
köreshni adaqqiche élip bérishqa chaqirimiz!
Yashisun uluq wetinimiz Sherqiy Türkistan!
Abdujelil Qaraqash
<Sherqiy Türkistan Informatsiyoun Merkizi> ning reisi
|
