Sherqi Türkistanda Mal Bahasi Örlep Ketti

Tengritagh torining 10 - dikabirdiki xewirige qarighanda, nuyabir eyida Sherqiy Türkistanda istimal boyumlirining bahasi 9.7% örligen. Sekkiz chong tür boyiche élip bérilghan tekshürüshte, ötken yilning ohshash mezgilidiki baha bilen sélishturghanda, yimeklikler turi bilen olturaq öylerning bahasi 25.2% örligen. Yimeklikler türi ichide may yimeklikliri bilen gosh bahasining ösushi hemmidin yuqiri bolup, ayrim-ayrim halda 48.2% we 44.4% örligen. Purchaq tipidiki yimekliklerning bahasi 30.3% , köktatlarning bahasi 25.9% , quruq miwilerning bahasi 20.7% , sut yimekliklirining bahasi 16.7% , ashliqning bahasi 16.5% orligen. halbuki bu qitimqi mal bahasining örlep kétishi yalghuz Sherqiy Türkistandila yüz bérip qalmay, Xitay dölitidimu ehwal éghir iken.

Xitay teshwiqatlirida bahaning örlep kétishi, dunyada néfit we ashliq bahalirining örlep kétishi bilen munasiwetlik diyilgen bolsimu, xelq'aradiki erkin küzetküchiler bu Xitayda yéngi bir qétimliq pul paxalliqi kélip chiqishning bishariti dep qarimaqta.

Xitay hakimiyiti 2008 - yili ötküzülidighan olimpik tenherket yighinidin burun barliq amallarni qollunup iqtisadning muqimliqini saqlashqa uruniwatqan bolsimu, pay chiki baziri bilen öy-muluk bazirida yüz bérish ihtimalliqi zor bolghan kirzisning barghansiri yéqinlishiwatqanliqi Xitay dairlirini nahayiti qattiq dekke-dukkige sélip qoyghan. Xuddi chet ellek iqtisadshunaslarning tehlil qilghinidak, éger pay chiki bilen öy-mülük bazirida kirzis yüz berse, bu ehwal Xitayda uzundin buyan yighilip qalghan ishsizliq, namratliq, parixorluq, chiriklishish hemde insan hoqoqini depsende qilish sewebidin kilip chiqqan barliq ijtimai we iqtisadi ziddiyetlerning biraqla partilap chiqishining piltisi bolup qilishi hemde 1989 - yilqi oqughuchilar herkitidinmu zor bolghan dawalghush yüz bérip, Xitay hakimiyitining aghdurulup kétishige sewepchi bolup qilishi mumkin iken..