Dubey Saqchiliri Ayallarni Pahishe Ishlirigha Kiralighan 300 Neper Xitayni Qolgha Aldi

2007.12.05  RFA

Ereb birleshme xelipilikining Dubey sheherlik saqchi idarisining bashliqi zahi xelfanning tünügün axsham Dubeydiki " el erebiye" téléwiziye qaniligha bergen bayanatigha asaslanghanda, ereb birleshme xelipiliki saqchi orgini memliketning her qaysi jaylirida, xususen Dubey shehiride ewjige chiqqan pahishe qilmishlirigha qarshi qattiq tedbir élish we her qaysi jaylardiki pahishe xanilarni yoq qilish qararini chiqarghandin béri pahishe ishliri bilen shughullanghan chetellik köpligen ayallarni chégridin qoghlap chiqarghan idi. Mesilen: 2006 - yili Dubey shehiride pahishe qilmishliri bilen eyiblinip chégridin qoghlap chiqirilghan chetellik ayallarning sani 4000 din ashidiken.

Dubey saqchiliri 2007 - yili 3- dékabir küni Dubey shehiridiki pahishe öylirige qarshi élip barghan herikitide ereb birleshme xelipiliki buyiche eng chong adem sodigerlirini tutqun qilghan bolup, Dubeyde 22 pahishe öyide ayallarni pahishe ishlirigha salghan 300 neper Xitayni qolgha chüshürgen.

Ereb birleshme xelipilikining Dubey sheherlik saqchi idarisining bashliqi zahi xelfan tünügün axsham Dubeydiki " el erebiye" téléwiziye qaniligha bergen bayanatida mundaq didi:" men yene Dubey shehirining herqaysi jaylirida ayallarni pahishe ishlirigha kiralaydighan rezalet öylirining barliqidin sheklinimen. Qisqa waqit ichide Dubey shehirini pahishe rezillikidin tazilap chiqishimizgha ishinimen. Dubey shehiride qolgha chüshken eng chong adem sodigerliri Xitaylardin bolup, bir qétimliq heriketning özidila 300 din köprek Xitay grazhdani qolgha chüshti"

Zahi xelfan sözige dawam qilip yene mundaq didi:" dölitimiz buyil noyabir éyida mexsus qanun chiqirip, ayallarni sétiwélip, ularni pahishe ishlarni qildurush arqiliq tapawet qilidighan adem sodigerlirige muddetsiz qamaq jazasi bérish, pahishe ishlirigha zorlinip ishlitilgen ayallarni chégridin qoghlap chiqirish qanunini maqullighan idi. Buninggha binaen: öz ixtiyari bilen pahishe ishlirini qilghan ayallar qanun boyiche jazasini körgendin kéyin, öz dölitige qayturulidu. Emma bu rezillikke zorlanghan ayallar ipadisini tapshurghandin kéyin öz dölitige qayturulidu. Ayallarni rezil ishlargha zorlighan adem sodigerliri bolsa qanunning eng éghir jazasigha uchraydu. (Ömerjan)