Xitayning Hoten Wilayiti Dairiliri Bir Uyghurgha 'Chetelliklerge Yardemleshti' dep Jaza Höküm Qildi

2007.12.05 RFA

Hoten wilayitining emgek bilen özgertish komitéti 11 ‏- ayda, '2007 ‏- yil 94 ‏- nomurluq' qarar chiqirip, Hoten shehiri shorbagh yézisida olturushluq ( Esli yurti Qaraqash Zawa) Osman Iminge ikki yilliq emgek bilen özgertish jazasi höküm qilghan. Osman Imin aliy mektep püttürgen, 1998 ‏- yili kadirliqtin istipa bergen.

Xitay hökümitining qararida Osman Iminge, Shinjang tinch okyan yéza iglik menbelirini échish shirkitining Lop nahiyisidiki shöbiside ishligende, chetelliklerning qanunsiz heriketlirige yardemleshken, dégen jinayi nam artilghan. Emma uning pakitliri bayan qilinmighan.

Amerikining téksas shitatidiki 'Amerikining Xitaygha yardem bérish jemiyiti' dégen teshkilat 12 ‏- ayning 4 ‏- küni bayanat élan qilip, Xitay hökümitining 'shinjang tinch okyan yéza iglik menbelirini échish shirkitining Lop nahiyisidiki shöbisining xojayini xiristian dinigha étiqad qilidighan kishi bolghachqa, uni yerlik dairiler 'diniy singip kirish paaliyiti bilen shughullandi' dep chégridin chiqip kétish buyruqi élan qilghanliqigha we mezkur shirkette ishligen Uyghur Osman Iminni 'dölet mexpiyetlikini ashkarilighan xristyan' dep ikki yilliq emgek bilen özgertish jazasi höküm qilghanliqigha naraziliq bildürdi. (Weli)
.