Sherqiy Türkistangha Kelgen Paxtichi Xitaylarning Ayliq Kirimi, Uyghur Déhqanlirining 3 Yilliq Kirimi Bilen Tengleshti

< Tianshan tori > ning 11 – ayning 4 – küni xewer qilishiche, buyil Xitayning herqaysi ölkiliridin paxta térish üchün Sherqiy Türkistangha éqip kirgen Xitaylar, paxta mewsümining axirlishishi bilen yanchuqlirini toshquzup arqa – arqidin yurtlirigha qaytishqa bashlighan.

Xitay metbu’atliridiki sanliq melumtargha asaslanghanda, ichki ölkilerdin kelgen her bir paxtichi Xitayning ayliq otturiche kirimi, yerlik Uyghur dehqanlirining 3 yilliq kirimi bilen tengliship qalidu.

Yuqarqi xewerde körsütülishiche, buyil Sherqiy Türkistanning kiwez térilghu kölümi 20 milyon modin artuq bolup, 8 – ayning 10 – künidin étibaren Xitayning Si Chuan, Gan Su, He Nan qatarliq ölkiliridin 600 mingdin artuq paxtichi Xitay Sherqiy Türkistangha élip kélingen bolup, bularning ichide 580 ming kishi Bingtuanning paxtisini terishqa sélin'ghan.

Bingtuan, ichki ölkilerdin kelgen paxtichi Xitaylargha ish heqqi jehette alahide étibar bérish siyasitini yolgha qoyghan bolup, ular tergen her kilo paxta üchün ottura hésap bilen 1.3 yuandin heq töligen, bir paxtichi Xitay künige az bolghanda 80 kilo, köp bolghanda 130 kilodin paxta tergen bolup, ularning ayliq kirimi ottura hisap bilen 3000 yunge yétip baridu.

Nöwette Sherqiy Türkistanning jenobi rayonliridiki Uyghur dehqanlirining yilliq otturiche kirimi aran 1000 yuan etrapida bolup, dimek, ichki ölkilerdin kelgen paxtichi Xitaylarning bir ayliq kirimi, Uyghur déhqanlirining 3 yilliq kirimigha teshliship qalidu.

Mezkur xewerde körsütülishiche, Xitay hökümiti buyil eslide ichki ölkilerdin bir milyon paxtichi Xitay yötkep kélishni pilanlighan bolsimu, emma bu pilanini emelge ashuralmighan, shunga teximu köp Xitaylarning kélishini righbetlendürüsh üchün, paxtichi Xitaylarning ish heqqini yuquri qilip békitken, shundaqla ularni 3 aydin buyan qonalghu, dawalinish, kiyim – kechek, yimek – ichmek … qatarliqlardin heqsiz behriman qilghan.

Xitayning resmi istatiskilirida körsütülishiche, buyil Xitayning ichki ölkilirige mejburi ishlemchilikke iwetilgen Uyghur qizlirining omomiy sani 200 mingdin artuq bolup, ichki ölkilerdiki Xitay xojayinlar bu bichare Uyghur qizlirini eyigha 300 – 400 yuanlik töwen ish heqqi bilen her küni 10 – 12 sa’etlep mejburi ishlitip kelmekte. .