|
Aqsuni Hotenge Tutashturidighan Teklimakan Qumluq
Tashyoli Pütüp Resmi Qatnash Bashlandi
< Tianshan tori > ning 11 – ayning 2 – küni xewer qilishiche, Xitay
merkizi hökümiti teripidin 900 milyon yuan meblegh selinip 2005 – yili 6 –
ayda salinishqa bashlanghan Aqsu – Hoten teklimakan qumluqi tashyoli mushu
ayning 1 – küni pütüp resmiy qatnash bashlighan. Bunung bilen, Aqsudin
Hotengiche bolghan tashyol musapisi yerim hesse qisqarghan.
Bu tashyolning uzunluqi 424 kilométir bolup, bu qumluq tashyoli Aqsudiki
Bingtuan shehri Alardin bashlinip, 407 kilométirliq qumluqni kesip ötüp,
Hotenning Lop nahiyesige tutishidu, bu qurulushnung meblighining 80 pirsenti
merkizi hökümet teripidin selinghan bolup, asasi meqset bolsa néfit
tarmaqlirining tiransiport iqtidarini ashurush iken.
Yengi pütken bu tashyolda yerliklerning yürüshige yol qoyup –
qoyulmaydighanliqi hazirghiche texi namelum. Emma bu tashyol, Xitay
hakimiyitining Hoten rayonining tebiy bayliqlirini talan – taraj qilish we
Hoten rayonigha Xitay köchmini yötkesh qedimini tezlitishte mohim rol
oynaydu, bu yolning, Bingtuan qarmihidiki Alar shehridin bashlanghanliqimu
bu nuxtini körsütüp turmaqta.
Bu tashyol, Xitayning Nefit tarmaqliri teripidin teklimakanda yasalghan 2 –
tashyol bolup, tunji qumluq tashyoli, 1995 – yili 9 – ayda yasalghan, bu
tashyol Bügür nahiyesidin bashlinip, jenopta teklimakanni kesip ötüp,
Hotenning Niye nahiyesige tutishatti. Bu tashyolning omomiy musapisi 522
kilométir bolup, bunung 440 kilométirliq qismi qumluqni besip ötidu.
|
