Xelqara Olimpik Komutétining Reyisi Log Ependi, Bei Jing Olimpik Yighini Heqqide Toxtaldi

< Germaniye dolqunliri > radiosining 10 – ayning 30 – künidiki xewiride körsütülishiche, yeqinda, Xelqara olimpik komutétining reyisi Log ependi Londonda chaqirilghan bir kishilik hoqoq yighinida qilghan sözide, olimpikning Bei jingda ötküzülidighanliqi heqqide elinghan qararni emeldin qaldurushning mumkin emeslikini tekitligen.

Log ependi buyerde qilghan sözide, < bizning olimpikni Bei jingda ötküzüshni qarar qilghanliqimiz, hergizmu bizning kishilik hoqoq mesilisige sel qarighanliqimizdin direk bermeydu, bizning köp yilliq emiliy herikitimiz del bunung eksini ispatlap turmaqta, biz bolsaq bir tenherket teshkilati, shunga bizningmu tesirimiz cheklik, bizdin qudritimiz yetmeydighan ishlar telep qilinmasliqi lazim > dep körsetken.

Log ependi yene, bu qétimqi olimpikning, kishilik hoqoq mesilisige tohpe qoshushini arzu qilidighanliqini bildürgen we tekitlep, < nime üchün kishiler uzun yillardin buyan herqaysi ellerning döwlet bashliqliri Bei jingni ziyaret qilish jeryanida hel qilalmighan mesililerni bizning hel qilishimizni telep qilidu ? > dep körsetken.