Ürümqide Atalmish < 3 Xil Küchler > Qolgha Élindi

< Tianshan tori > ning 10 – ayning 12 – küni xewer qilishiche, Ürümqi saqchi organliri, atalmish < 3 xil küchler > ning Xitayning döwlet bayrimi we 10 – ayning 15 – küni chaqirilidighan Xitay kommunistik partiyesining 17 – nöwetlik qurultiyi mezgilide muqimsizliq peyda qilishining aldini élish üchün, pütün sheher miqyasi boyiche gumanliq nuxtilarni we shexislerni omomiy yüzlük tekshürüsh we axturup turush herikiti qozghighan bolup, bu jeryanda sheher boyiche 420 idare – jemiyettiki 1355 nuxtida tekshürüsh élip barghan.

Döwlet bayrimi mezgilidiki axturup tutushta, Ürümqide bir < 3 xil küchler gurohi > pash qilinip, bir türküm kishiler qolgha élinghan we köp sandiki < qanunsiz diniy eser > bilen < eksiyetchi eser > ler qolgha chüshürülgen.

Yuqarqi xewerde körsütülishiche, saqchilar teripidin nuxtuluq tekshürüsh we charlash élip berilghan rayonlar döngköwrük we xelq meydani rayoni bolup, bu jaylar Uyghurlar birqeder zich olturaqlashqan rayonlardin ibaret.

Xewerde, qolgha élinghan < bölgünchiler > heqqide tepsili izahat berilmigen.