Sherqiy Türkistanda Qanchilik Adwukat Bar ?

Xitay bolsa döwletni qanun arqiliq emes, belki siyasi idilogiye arqiliq idare qilip kelgen mustebit we dektator bir döwlet.

Sherqiy Türkistan, Xitay boyiche insanlarning qanuniy heq – hoqoqliri eng eghir derijide depsendi qiliniwatqan rayonlarning biri bolup, hette yéza – kenit bashliqliri we atalmish < pilanliq tughut > xadimliriningmu xalighanche adem tutush, solash we qiynash hoqoqi bar.

Sherqiy Türkistanda puxralarni aqlaydighan adwukatlarning sanimu intayin bichere weziyette bolup, her 10 ming kishige aran bir adwukat toghra kélidu.

Mesilen, < Xinjiang geziti > ning 10 – ayning 13 – künidiki xewiride körsütülishiche, Sherqiy Türkistanda adwukat ishxaniliri taki 1982 – yilgha kelgende andin qurulghan bolup, undin burun bu rayonda adwukat mewjut emes idi. Shu yili Sherqiy Türkistan boyiche 71 adwukatliq ponkiti we bu ponkitlarda ishleydighan 260 neper adwukat bolup, aridin 25 yil ötkendin keyin, hazir pütün rayon boyiche adwukatliq ponkitlirining sani 260 qa, adwukatlarning sani bolsa 2184 neperge yetken.

Xitayning resmiy statiskilirida hazir Sherqiy Türkistanning omomiy noposi 20 milyondin artuq bolup, texminen her 10 ming kishige bir neper adwukat toghra kélidu.

Nöwette Sherqiy Türkistanda Uyghur siyasi mehbuslarning hemmisi digüdek adwukat tutushtin mehrum qaldurulghan bolup, ular her derijilik sot mehkimiliri teripidin délil – ispatsiz halda eghir jazalargha höküm qilinip kélinmekte. .