|
Sherqiy Türkistandin
Xewer Uchurlar
1) Norwigiyediki < Xinjiang Mediniyet Heptiliki >
Pa’aliyiti Ayaqlashti
< Xinhua axbarat tori > ning xewer qilishiche, Xitay merkizi hökümiti we
Sherqiy Türkistandiki qorchaq hökümetning uyushturushi bilen Norwigiyede
élip bérilghan atalmish < Xinjiang uniwérsal mediniyet heptiliki >
pa’aliyiti 9 – ayning 21 – küni ayaqlashqan.
Bu pa’aliyet 9 – ayning 16 – küni bashlanghan bolup, pa’aliyet jeryanida
talantliq Uyghur artislardin teshkil tapqan sen’et guruppisi Norwigiye we
Shiwitsiye qatarliq ellerde birqanche meydan oyun qoyghan we özlirining
nepis, shox we yéqimliq naxsha – usol – muzikiliri bilen chetellik
tamashibinlarni heyran qaldurghan idi.
2) Yorungqash Deryasida Yoqap Ketken
Rosiyeliklerdin Biri Tirik Tépildi
< Xinhua axbarat tori > ning xewer qilishiche, tik uchar ayrupilan bilen
izdesh élip bériwatqan Xitay – Rosiye birleshme qutquzush etritidikiler, 9 –
ayning 21 – küni sa’et 9 din 30 minut ötkende, Yorungqash deryasining yuquri
éqini etrapida yoqap ketken Zéliyev isimlik rusni tapqan.
Gerche intayin maghdursiz bolsimu emma Zéliyevning salametlik ehwali yaxshi
bolup, u derhal tik uchar ayrupilan bilen Hoten shehridiki doxturxanigha
élip kélingen. Zéliyev isimlik bu ros 25 küngiche tamaq yimigen, ach we
ussuz bolsimu, emma rohiy keypiyati yaxshi, zehni ochuq iken, hetta u doxtur
mashinisigha özi méngip chiqqan.
Zéliyevning deslepte bayan qilishiche, 6 kishi ikki qéyiq bilen Yorungqash
deryasida éqip kétiwatqanda, qéyiqlar dolqunda orülüp kétip, hemmisi sugha
chüshüp ketken we terep – terepke chéchilip ketken. Unung bayan qilishiche,
u, bashqa dostlirining aqiwitini bilmeydiken.
Emiliyette bolsa téxi yéqindila Yorungqash deryasining yuquri éqini boyida
ikki neper Rosning jesidi tépilghan, jesetler sésip ketken idi.
Yorungqash deryasida éqishni pilanlighan Rosiyelik majraperesler jemi 6
kishi bolup, yene 3 népirining aqiwiti namelum, Xitay we Rosiyening
xadimliridin terkip tapqan birleshme qutquzush etriti qalghan 3 neper Rosni
dawamliq izdimekte. Bu weqe, Rosiyedimu zor tesir qozghighan idi.
Mutexesislerning bildürishiche, Yorungqash deryasining yuquri éqini intayin
murekkep we xeterlik iken.
|
