Germaniyede < 11 – Sintebir > Teror Weqesi Peyda Qilishqa Urunghan Teroristlar Qolgha Chüshti

Germaniye metbu’atlirining xewer qilishiche, 9 – ayning 4 – küni kechte, Germaniye bixeterlik organliri, 9 – ayning 11 – küni Germaniyediki Amerika herbiy bazisigha we Amerikiliqlar toplushidighan jaylargha bomba bilen hujum qilishni pilanlighan 3 neper terorisni qolgha chüshürgen.

Bu teroristlardin 22 yashliq Daniel Martin we 28 yashliq Fritz.G qatarliq ikki nepiri Musulmanliqni qobul qilghan German bolup, 29 yashliq Adem isimlik terrorist bolsa Türk gerejdani.

Bu téroristlar 2006 – yili Germaniyede < Islami jihad > namliq téroristik teshkilatning Germaniyediki shöbisini qurghan. Bu teshkilat, < Özbekistan islami herikiti > ning shöbisi iken.

Bu 3 neper teroristning hemisi Pakistanda terbiye körgen bolup, Amerikida yüzbergen < 11 – sintebir > teror weqesining xatire künige toghrilap, 9 – ayning 11 – küni Germaniyening Frakfurt ayrupilan istansisi, Ramstein Amerika herbiy bazisi we baza etrapida Amerika eskerliri kiridighan deskoxana, Qawaqxana we bashqa eslihelerge bomba bilen hujum qilishni pilanlighan we partilash küchi intayin küchlük bolghan 730 kilogiramliq 12 bomba teyyarlighan. Bu bombilarning parilash küchi 550 kilogiramliq TNT dorisining partilash küchi bilen teng kélidiken.

Germaniye metbu’atlirining xewiride körsütülishiche, yuqarqi teroristlarning herikitini Germaniye bixeterlik tarmaqliri uzundin buyan küzitip kelgen iken.