|
Kucharda Qoral Étishni Meshiq Qiliwatqan Milliy
Küreshchiler Tutulup Qalghan
< Sheriy Türkistan Informatsiyon Merkizi > ning aldinqi qétimliq xewiride,
Xitay hakimiyitining yéqinqi aylardin buyan Aqsuning Kuchar, Toqsu, Shayar
we Bay nahiyéliride omomiy yüzlük axturup tutush herikiti qozghighanliqi
bayan qilinhan idi.
ETIC bu heqte yoshurun tekshürüsh élip berish arqiliq, Xitay hakimiyitining
bu rayonda élip bériwatqan chong axturup tutush herikitining sewebini
eniqlap chiqti.
ETIC ning igellishiche, 2007 – yili 6 – ayning 26 – 27 – künliri wetendiki
melum bir qoralliq qarshiliq körsütüsh teshkilatining bezi ezaliri Kuchar
nahiyesining Bay nahiyesige tutishidighan Taghliq rayonida mexpiy qoral
étishni meshiq qilghan, 27 – küni ularning meshiq qiliwatqanliqi sezilip
qélip, ularni Xitay eskerliri qatmu – qat qorshiwalghan, netijide milliy
qarshiliq körsütüsh teshkilatining 6 – 7 neper ezasi neqmeydanda tutulup
qalghan.
Xitay hökümiti buni bahane qilip, < Qéchip ketken bölgünchilerni qolgha
tutush > digenni bahane qilip, Kuchar, Bay, Shingxa we Shayar nehiyelerning
yéza – qishlaqlirida omomiy yüzlük axturup tutush herikiti qozhighan. Esker
we saqchiler yol – yollargha tekshürüsh nuxtilirini qurup, Uyghur
déhqanlirining özliri turiwatqan yézidin bashqa yerge chiqishini chekligen
bolup, hetta bezi nahiyeklerde axsham sa’et 8 din kéyin kochigha chiqish
men’i qilinghan.
Bir nechche kün burun Aqsu bixeterlik bashqarmisi Kuchar nahiyeside
pewquladde yighin chaqirip, Uyghur siyasi qachqunlarni qoghlap tutush we bu
rayondiki xewer – uchurlarning sirtqa yéyilip kétishining aldini élish üchün
bir qatar tedbirlerni tüzüp chiqqan.
|
