Tülkining Salamgha Kilishi Yaxshiliqtin Dérek Bermeydu! Xitay Reisi Hu Jın Tao Qirghistan Paytexti Bishkekke Keldi!

Serdar xewer qilidu

Shinhua tor bitining bügün chüshte Qirghistan paytexti Bishkektin bergen xewiride, Xitay dölet reisi Hu Jın Tao Qirghistanda ilip baridighan dölet ishlar ziyariti üchün bügün saet 12 din 30 minut ötkende mexsus ayrupilan bilen Bishkekke kelgen we Bishkekning manas ayruportida yazma nutuq sözligen. Xitay reisi Hu Jın Tao'ni kütüwilish üchün Qirghizistan pérézdinti Qurban Bek Baqiyéw aldigha chiqmastin Qirghistan bash weziri Aten Bayéw aldigha chiqip Hu Jın Taoni kütüwalghan.

Xitay reisi Hu Jın Tao'ning Bishkekke kélishi Qirghistanda dölet ziyaritini élip barghandin bashqa Shanghai hemkarliq goruyining 7 - nöwetlik dölet bashliqlirining Bishkektiki uchrushush yighinigha qatnishidiken we bu goruhqa eza 6 döletning hemkarliqidiki" Shanghai hemkarliq teshkilatigha eza döletlerning uzun muddetlik xoshnadarchiliq – dostluq hemkarliq kilishimnamisi "ni imzalaydiken. Shanghai hemkarliq goruyigha eza 6 dölettin bashqa yene Mongghuliye, Pakistan, Hindistan, Iran qatarliq döletler küzetküchi süpitide sérttin qatnishidiken, Bishkektiki shumluqini tügetken Xitay reisi Hu Jın Tao 6 döletning birleshme herbi manwérini körüsh üchün 16 - awghust küni Rusiyege mangidiken. Andin kéyin Qazaqistandiki dölet ishlar ziyaritini bashlaydiken.

Shanghai hemkarliq goruyi teshkilat 2001 – yil 6 - ayning 15 - küni Xitay dölet reisi Jiangzémin'ning we Xitay dölitining meblegh sélishi bilen Shanghai'de qurulghan bulup bu teshilatning qurulush muddiasi yenila 3 xil küchlerge qarshi turushni asasi mexset qilghan . " 3 xil küch déginimiz – Sherqiy Türkistan térorchiliri, milli bölgnchi unsurlar, dini esebi küchler" ni öz ichige alidu. Bu teshkilat qurulghan 7 yildin buyan Sherqiy Türkistandiki asasliq millet Uyghurlargha zerbe bérishni asasi nishan qilghandin bashqa yene Gerbiy Türkistandiki Türki xelqlerni iqtisadi, siyasi, pen – medeniyet, maarip, saqliqni - saqlash, kishilik hoquq, démokratiye jehetlerde oxshimighan derijide izip keldi we cheklidi zerbe berdi . Kishilik hoquq , démukratiye pa'aliyetchilirini" 3 xil küchler " qalpighi bilen turmilargha tashlap jinayi jaza yürgüzdi we öltürdi .

Bu qétim Xitay reisi Hu Jın Tao'ning Bishkek sepiri bashlinishtin burun Qirghistan paytexti Bishkekte, 6 dölet herbi küchlirining maslishishi bilen térorluq herket yürgüzülüp, pasport tekshürüsh bahanisi bilen 30 din artuq normal soda tijaréti bilen shughulliniwatqan Uyghur sodigerlirini tutup Xitaygha ötgüzüp berdi.

Xitay reisi Hu Jın Tao'ning bu qétimqi Gerbiy Türkistan sepiri Uyghur millitige yaxshiliq élip kelmeydu. Tülkining salamgha kilishi yaxshiliqtin dérek bermeydu.

http://www.tianshannet.com/news/content/2007-08/14/content_2131651.htm!