Xitay Tömür Yol Tarmaqliri Sherqiy Türkistan'gha Kilip Paxta Téridighan Xitay Ishlemchiliri Üchün 43 Mulazimet Orgéni Qurghan

Serdar xewer qilidu

Shinhua agéntliqining 8 - ayning 12 – küni bergen xewiride munular alahide körsütülidu.

Chungching sheherlik yéza igilik idarisining muawén bashliqi Gong Tian Rungning chüshendürishiche, Chungching sheherlik hökümet tarmaqliri Sherqiy Türkistangha paxta térishqa baridighan ishlemchilerning yol qatnashtiki emeli qiyinchiliqini tézdin hel qilish üchün bu yil Chungching sheherlik hökümet tömür yol tarmaqliri bilen munasiwet ornutup 43 liniyie boyunche Siquandin Sherqiy Türkistangha kilip paxta téridighan ishlemchilerning qatnash qiyinchiliqini hel qilghan. Bu ishlemchi paxta téridighan Xitay ishlemchiliri Sichuenning Chungching, Wenjo, Chien Jiang qatarliq poyiz istansiyiliridin poyizgha chiqidiken hemde yol boyidiki istansiyelerde aldin bikitken paxta tergini baridighan Xitay ishlemchiliri üchün mexsus kütüsh öyi hazirlighan. Bu ishlemchi Xitaylar Shi Henze, Kuitung, Korla, Aqsu qatarliq jaylargha biwaste kilidiken. Bu ishlemchi Xitaylarning sani 100 mingdin artuq bolup bularning yol kirasi üchün 2 milyon Xitay puli tijep qélinidiken. Shundaqla pütün yol boyida bir tutash salametlik tekshürüsh, dawalash, ishlemchi paxtakarlarning dem élish  qatarliq köp türdiki illiq mulazimet ponkitliri aldin ala orunlashturuludiken. 

Chungchingda Sherqiy Türkistangha birishni xalaydighan ishlemchi Xitaylarning aktipchanliqini qozghash üchün keng kölemlik teshwiqat xizmitini ishlep baridighanlarning tizimlitish nisbitini östürüptu. Hazirghiche Sherqiy Türkistangha kilip paxta térip pul tépishni xalaydighan ishlemchiler kündin kün'ge ishiwitiptu. Keng Xitay ammisining Sherqiy Türkistangha köplep kilishini righbetlendürüsh üchün Chungching sheherlik hökümet 100 mingdin artuq kitap bésip, Sherqiy Türkistanning ishlepchiqirish turmush ehwali, uyerdiki bayashachiliq, paxta térishta diqqet qilidighan ishlar qatarliq alahide mezmunlarni teshwiq qilin'ghan. 

Muningdin körüwilishqa bolidiki Xitay kommunistlirining Xitaygha paxta térish üchün adem yötkeydighini yalghan. Mexset Sherqiy Türkistandiki nopus tengpunglughini tengshesh üchün téximu köp Xitay aqqunlirini yötkep kilip Xitay nopusining Sherqiy Türkistandiki nopus san üstünlikini yuquri kötürüshi mexset qılgha. 

Ötken yili Xitay hökümitining paxta térish bahanisida Sherqiy Türkistangha bir milyongha yéqin Xitay yökigen idi