Sherqiy Türkistanliq Boksiyur Mushlashchisi Qanat Islam Öz Reqibini Yengdi

Serdar xewer qilidu

Shinhua torbétining 8 - ayning 10 - küni Ürümchidin bergen xewirige qarighanda, Xitayda élip bériliwatqan xelq'ara boksiyur teklip musabiqisidin xushallinarliq bir xewer kelgen. Sherqiy Türkistanliq boksiyur mahiri Qanat Islam 69 kilogéramliqlar boyunche élip bérilghan yérim helqilghuch musabiqide, Qazaqistanliq mahir Wéladimir Olyanofni yingip chong ghelbini qolgha keltürgen.

Xitay döletlik tenterbiye bash idarisining bashliqi Sui Fu Go ning teriplishiche, Wéladimir Olyanof Qazaqistanning ikkinji numurluq boksiyur mahiri iken.musabiqe bashlinip bir minut bolmay arqa – arqidin urulghan mush zerbisidin qanat islamning reqibi mushqa berdashliq birelmigen 1 ge qarshi 8 netije yaratqan. Musabiqe meydanida tamshsha körüwatqan tamashabinler qanat islamning maharitidin heyran qalghan, musabiqe yene yérim minut bola bolmay komputérluq san körsetküch musabiqe ikranidiki sélishturma san 3 ge qarshi 24 netijini körsetken, musabiqining qaidiside tereplerning érishken san sipirliridiki perq 20 din éship ketse utqan hisablinidiken. Shuning üchün musabiqe derhal toxtutulup répir Qanat Islamning ikki qolini égiz kötürüp uning utqanliqini tamashshabinlerge jakarlighan.

Bundaq bir yingiliq 2004 - yilimu bir qétim yüzbergen iken. U qétimda Qanat Islam olympék tenterbite musabiqisining asia goruppisi boyunche tallash musabiqiside yaxshi netijige ériship Xitay dölet boksiyur türi boyunche olympik tenterbiye musabiqisigha qatnishish salahiyitige érishken iken hemde shu yili yene 8 - aydiki Asiya olympik musabiqisida ugandaliq mahir Sadat Tébazalawani yenggen iken.