Xitay Hakimiyiti, RFA ning Ziyaritini Qobul Qilghan Kucharning Hakimi Hüsenjan Memtiminni Özini Tekshürüshke Qistidi

< Sherqiy Türkistan Informatsiyon Merkizi > ning buyil 7 – ayning 18 – künidiki xewiride, Aqsunung Kuchar nahiyeside yerlik xelqning Xitay hakimiyitining Uyghur qizlirini ichki ölkilerge mejburi yötkep ishlitish siyasitige qarshi naraziliq namayishi ötküzülgenliki heqqide uchur elan qilinghandin kéyin, bu xewer, chetelde yashawatan Uyghurlar arisida küchlük inkas qozghighan idi.

Amerikidiki < Erkin Asiya Radiosi > mu yuqarqi uchurni asas qilip turup, 7 – ayning 20 – küni Kuchar nahiyesining hakimi Hüsenjan Memtiminni téléfon arqiliq ziyaret qilip, bu weqe heqqide izahat berishni telep qilghan, hakim Hüsenjan memtimin RFA ning so’aligha jawap bergende, Kuchar nahiyeside namayish bolghanliqini inkar qilghan, emma, dehqanlarning nahiyelik erziyet ishxanisigha kelip, qizlirini ichkirige yötkehke qarshi chiqqanliqi bayan qilghan idi.

< Sherqiy Türkistan Informatsiyon Merkizi > ning 8 – ayning 7 – küni wetendin biwaste igellishiche, Kuchar nahiyesining hakimi Hüsenjan Memtiminning RFA ning ziyaritini qobul qilghanliqi, Xitay hakimiyitining qattiq gheziwini qozghighan we hakimgha, < düshmen radiosining ziyaritini qobul qilip, mexpiyetlikni ashkarilighan, siyasi jehette mesuliyetsizlik qilghan > dep gunah artip, özini tekshürüshke we tekshürüshname yézishqa qistighan.

Shundaqla Kuchar nahiyelik partikom yene nahiyediki her derijilik hökümet orunlirigha uxturush tarqitip, naiyede yüzbergen siyasi weqelerni sirtqa ahkarilighuchilarni qattiq jazagha tartidighanliqini bildürgen.

Hazir nahiye hakimi Hüsenjan Memtiminning aqiwiti eniq emes, < Sherqiy Türkistan Informatsiyon Merkizi > bu heqte yenimu tepsili melumat élishqa tirishmaqta.